- మున్సిపల్‌ కమిషనర్‌కు మెమోరండం
నవతెలంగాణ-కొడంగల్‌
కొడంగల్‌ మున్సిపల్‌ పరిధిలోని నాల్గొవ వార్డులో పందుల సమస్య ఎక్కువ కావడంతో ప్రజలు ఇబ్బందులు పడుతున్నారన్ని, ఈ పందుల బెడద తొలగించాలని కొడంగల్‌ మున్సిపల్‌ కమిషనర్‌కు కౌన్సిలర్‌ బీఎం రమేష్‌తో కలిసి గ్రామస్తులు శుక్రవారం మెమోరాండం అందజేశారు. ఈ సందర్భంగా గ్రామస్తులు మాట్లాడుతూ పందులు చెత్త కుండీల వద్ద, వీధుల్లో స్వైరవిహారం చేయడంతో పారిశుధ్యం అధ్వానంగా మారి దోమలు విజృంభిస్తున్నాయని అన్నారు. అసలే వర్షాలు పడుతుండడంతో దోమల కారణంగా అంటురోగాలు సోకే అవకాశం ఉందన్నారు. పందుల పెంపకదారులు గుండ్లకుంటలో పందులను వదిలివేయడం వల్ల పంట పొలాలను నాశనం చేస్తున్నాయని తెలిపారు. ఇప్పటికైనా మున్సిపల్‌ అధికారులు స్పందించి పందులను ఊరికి దూరంగా తరలించాలని ప్రజలు కోరారు.