- జిల్లా కలెక్టర్‌ నిఖిల
- శివారెడ్డి పల్లిలో పాఠశాలను తనిఖీ
నవతెలంగాణ-దోమ
ప్రాథమిక పాఠశాలలో చదువుకుంటున్న ప్రతి విద్యార్థి ధారాళంగా చదవడం, రాయడంతో పాటు విషయ పరిజ్ఞా నం పెంపొందేలా ఉపాధ్యాయులు అంకితభావంతో పనిచేయాలని జిల్లా కలెక్టర్‌ నిఖిల అన్నారు. శుక్రవారం దోమ మండల పరిధిలోని శివారెడ్డి పల్లి గ్రామంలో ఎఫ్‌ ఎల్‌ఎన్‌ తొలిమెట్టు కార్యక్రమంలో భాగంగా ప్రాథమిక ఉన్నత పాఠశాలను కలెక్టర్‌ ఆకస్మికంగా సందర్శించారు. ఈ సందర్భంగా ఆమె మాట్లాడుతూ విద్యార్థులకు రెగ్యు లర్‌గా చెబుతున్న పాఠలతో పాటు చదువులో వెనుకబడి ఉన్న ప్రతి విద్యార్థిపై ప్రత్యేక శ్రద్ధ వహించి వారికి అర్థమ య్యేరీతిలో పాఠ్యాంశాలను బోధించి వారి విద్యా ప్రమాణా లను పెంచాలని అధ్యాపకులను సూచించారు. విద్యారు ్థలందరూ ప్రతి రోజూ క్రమం తప్పకుండా పాఠశాలకు హాజ రయ్యేటట్టు చూడాలన్నారు. విద్యార్థులతో పాటు ఉపాధ్యా యులు తమ విధులకు సక్రమంగా హాజరు కావాలన్నారు. ఉపాధ్యాయులు ఎలాంటి నిర్లక్ష్యమూ వహించకుండా మె రుగైన విద్యను అందించి వారి భవిష్యత్తును మెరుగుప రచాలని సూచించారు. విద్యలో వెనుకబడి ఉన్న విద్యారు ్థలను వారి విద్యా ప్రమాణాలను మెరుగుపరచాలని లేకుం టే చర్యలు తప్పవని కలెక్టర్‌ ఉపాధ్యాయులను హెచ్చరిం చారు. ఈ సందర్భంగా పాఠశాలలోని విద్యార్థులతో ఆంగ్లంలో చదవడం, గణితంలో కూడికలు తీసివేతలు చేయించారు. ప్రభుత్వ పాఠశాలల బలోపేతానికి రాష్ట్ర ప్రభుత్వం చేపట్టిన 'మనఊరు-మన బడి' పనులను నాణ్యతా ప్రమాణాలతో నిర్వహించి వారంలోగా పూర్తి చేయాలని సంబంధిత అధికారులను ఆదేశించారు. 'మన ఊరు మన బడి' కింద అన్ని పనులు చేపట్టి అందంగా తీర్చిదిద్దాలన్నారు. రోజు వారిగా చేపట్టే పనుల ఫోటోలను తన ద్వారా వాట్సాప్‌కు పంపించాలన్నారు. ఫస్ట్‌ నవంబర్‌ నుండి పాఠశాలకు కలరింగ్‌ పనులు చేపట్టి పూర్తి చేయాలని సూచించారు. చేపట్టిన పనులకు అవసరమైన నిధులు అందుబాటులో ఉన్నాయని తెలిపారు. ఈ సం దర్భంగా గ్రామంలో తెలంగాణ క్రీడా ప్రాంగణ స్థలాన్ని పరిశీలించి పనులను వేగవంతం చేయాలని ఆదేశించారు. నర్సరీలో పెంచుతున్న మొక్కలను పరిశీలించారు. ఈసా రి నిర్వహించే హరితహారం కు అవసరమైన మొక్కలను సిద్ధం చేయాలని ఆదేశించారు. మొక్కలకు ప్రతి రోజూ నీరు పోసి సంరక్షించాలని సూచించారు. కార్యక్రమంలో డీఆర్డీఓ కృష్ణన్‌, జిల్లా విద్యాశాఖ అధికారి రేణుకా దేవి, మండల విద్యాశాఖ అధికారి హరీచందర్‌, ఇరిగేషన్‌ డీిఈ పార్థసారథి, ఏఈ సిద్ధార్థ, ఎంపీడీఓ జయరామ్‌, ఉప తహసీల్దార్‌ విజయేందర్‌, ఏపీయం దస్తయ్య, సర్పంచ్‌ నరేందర్‌ రెడ్డి, డీఈ ఉమేష్‌ కుమార్‌, పాఠశాల ప్రధానో పాధ్యాయుడు నరసింహులు, గ్రామ పంచాయతీ కార్య దర్శి శ్రీనివాస్‌, ఆయాశాఖల అధికారులు తదితరులు పాల్గొన్నారు.
