- బదిలీపై వెళుతున్న ఎంపీడీవోకు ప్రజాప్రతినిధులు, అధికారులు, నాయకుల ఆత్మీయ సన్మానం
నవతెలంగాణ-మాడ్గుల
          వృత్తిరీత్యా పనిలో అంకితభావంతో పనిచేసి మండలంలో చాలామంది ప్రజా ప్రతినిధులు, అధికారులు, నాయకుల అభిమానాన్ని సంపాదించుకుని బదిలీపై వెళ్లుతున్న ఎంపీడీవో ఫారుక్‌ హుస్సేన్‌కు మండల ప్రజాప్రతినిధులు, అధికారులు, నాయకులు ఘనంగా సన్మానించారు. మండల కేంద్రంలోని వాసవి ఫంక్షన్‌ హాల్‌లో ఎంపీపీ గౌరవరం పద్మారెడ్డి అధ్యక్షతన సన్మాన కార్యక్రమం నిర్వ హించారు.ఈ సందర్భంగా ఎంపీటీసీ సభ్యులు వివిధ గ్రామాల సర్పంచులు పంచాయతీ కార్యదర్శులు తదితరులు ఆరున్నర సంవత్సరాల పాటు మండలంలో ఆయన చేసిన అభివృద్ధి కార్యక్రమాలు, ఆయనతో ఉన్న అనుబంధాన్ని పంచుకున్నారు. ఈ సంద ర్భంగా ప్రభుత్వ ఆదే శాల మేరకు వివిధ ఎన్ని కల నిర్వహణ, నూతన గ్రామ పంచాయతీల నిర్వహణ, ప్రభుత్వ పాఠశాలల బలోపేతం ,పల్లె ప్రకృతి వనం, స్మశాన వాటిక, డంపింగ్‌ యార్డు వంటి అభివృద్ధి పనులు నిర్వహణలో ఆయన అందించిన సలహాలను సూచనలను అభినం దించారు. అన్నింటిని మించి ఆయన పాటించే సమయస్ఫూర్తి ఆదర్శమన్నారు. అనంతరం శాలువాలు, పూల బొకేలతో సన్మానించి తమ అభిమానాన్ని చాటుకున్నారు. కార్యక్రమంలో వివిధ గ్రామాల పలువురు ఎంపీటీసీలు, సర్పంచులు, గ్రామాల ప్రజాప్రతినిధులు, అధికారులు, ప్రజలు పాల్గొన్నారు.