నవతెలంగాణ-చందానగర్‌
భారత్‌ జోడో యాత్రలో భాగంగా బుధవారం శేరిలింగంపల్లి నియోజకవర్గంలోకి యాత్ర రాగానే కాంగ్రెస్‌ శేరిలింగంపల్లి సీనియర్‌ నాయ కులు జేరిపేటి జయపాల్‌, యువనాయకులు జెరిపేటి రాజు,కాంగ్రెస్‌ శ్రేణులు సుమారు 20 వేల మందితో రాహుల్‌ గాంధీకి ఘన స్వాగతం పలికారు. ఈ కార్యక్రమంలో డోలు శివ, దుందాం కళాకారుల ఆటా పాటలతో ఘనంగా స్వాగతించారు. మధీనగూడకు ఉదయమే చేరుకున్న రాహుల్‌ గాంధీతో పాటు, తెలంగాణ సీనియర్‌ నాయకులకు, భద్రత సిబ్బందికి కిన్నెర గ్రాండ్‌ హౌటల్‌లో విడిది ఏర్పాటు చేశారు. సాయంత్రం నాలుగు గంటల నుంచి భారీ కాన్వారుతో బయ్యలు దేరిన రాహుల్‌ గాంధీ, ఇతర నాయకులు, కార్యకర్తలు ఆయన వెంట ఉండగా చందానగర్‌ చౌవరస్తాలో భరత నాట్యం ప్రదర్శించారు. అనంతరం, రామచంద్రపురం నాయకులు రాహుల్‌ గాంధీకి స్వాగతం పలికారు.సంగారెడ్డి జిల్లాలోని రామచంద్రాపురం వరకు ఘనంగా స్వాగం పలికారు. ఈ కార్యక్రమంలో ఎమ్మెల్యే కాంటెస్ట్‌టెడ్‌ అభ్యర్థి, జెర్రిపాఠీ జైపాల్‌, ఇతర కాంగ్రెస్‌ నాయకులు పాల్గొన్నారు.
