- ఎమ్మెల్యే మహేశ్‌రెడ్డి
నవతెలంగాణ -పరిగి
పరిగి మున్సిపాలిటీ అన్నిరంగాల్లో అభివృద్ధి చేస్తామని ఎమ్మెల్యే కొప్పుల మహేష్‌రెడ్డి అన్నారు. గురువారం పరిగి పట్టణ కేంద్రంలోని ఆరో వార్డులో ము న్సిపల్‌ జనరల్‌ ఫండ్‌ ద్వారా ఐదు లక్షల రూపాయలతో సీసీరోడ్ల పనులను ఎమ్మెల్యే, పరిగి మున్సిపల్‌ చైర్మన్‌ ముకుంద అశోక్‌ కుమార్‌, వార్డ్‌ కౌన్సిలర్‌ బొంబాయి నాగేశ్వర్‌తో కలిసి ప్రారంభించారు. ఈ సందర్భంగా ఆయన మాట్లాడుతూ పరిగి పట్టణంలోని అన్నివార్డుల్లో అభివృద్ధి పనులు వేగవంతంగా జరుగుతున్నాయన్నారు. ముఖ్యంగా అంతర్గత రోడ్లు, మురుగునీటి కాలువల నిర్మా ణం కొనసాగుతుందని తెలిపారు. పరిగి మున్సిపాలిటీ అంచలు అంచెలుగా అభివృద్ధి చేస్తామని అన్నారు. ఈ కార్యక్రమంలో ఎంపీపీ అరవింద్‌ రావు, మార్కెట్‌ కమిటీ చైర్మన్‌ సురేందర్‌, టీఆర్‌ఎస్‌ మండల అధ్యక్షులు ఆంజనేయులు, కౌన్సిలర్‌ రవీంద్ర, మునీర్‌, నాయకులు గౌస్‌ పాషా, బషీర్‌, అసిఫ్‌, హాజీ పటేల్‌, యూసుఫ్‌, ఫాసియొద్దీన్‌, మొగులయ్య, జంగయ్య, దోమ ప్రవీణ్‌, ఆయా కాలనీవాసులు, తదితరులు పాల్గొన్నారు.
