- ఎంపీపీ కొప్పు సుకన్య భాష
నవతెలంగాణ-యాచారం
గ్రామాల అభివృద్ధికి తన వంతుగా కృషి చేస్తానని ఎంపీపీ కొప్పు సుకన్యభాష అన్నారు. గురువారం యాచా రం మండల పరిధిలోని మల్కీజ్‌గూడలో అండర్‌ గ్రౌండ్‌ డ్రయినేజీ నిర్మాణ పనులకు సర్పంచ్‌ చీర యాదమ్మతో కలిసి ఎంపీపీ శంకుస్థాపన చేశారు. ఈ సందర్భంగా ఆమె మాట్లాడుతూ విడతల వారిగా జరుగుతున్న అభివృద్ధి పనులను పూర్తి చేసేందుకు సర్పంచులు, అధికారులు కృషి చేయాలని తెలిపారు. స్థానిక ప్రజలు సకాలంలో బిల్లులు చెల్లించి గ్రామ పంచాయతీల అభివృద్ధి తోడ్పడాలని కోరా రు. గ్రామపంచాయతీలు బలోపేతం కావాలంటే ప్రభుత్వా లు మరిన్ని నిధులు మంజూరు చేయాలని ఎంపీపీ కోరారు. బడ్జెట్‌ సమావేశాల్లో గ్రామ పంచాయతీల అభివృద్ధికి పెద్దపీట వేసేందుకు ప్రభుత్వం కృషి చేయాలని డిమాండ్‌ చేశారు. ఈ కార్యక్రమంలో ఎంపీడీవో విజయ లక్ష్మి, ఎంపీటీసీ డేరంగుల శారద, ఉప సర్పంచ్‌ నరేష్‌, ఏ ఈ ఉస్మాన్‌, సెక్రెటరీ, కో-ఆప్షన్‌ సభ్యుడు వెంకటరెడ్డి, వా ర్డు సభ్యులు కొల్లం అనంతరెడ్డి, బోడా అనసూయ, జ్యోతి, దవలయ్య, సాయిబాబా, తదితరులు పాల్గొన్నారు.