- వ్యకాస జిల్లా ప్రధాన కార్యదర్శి ఎం.వెంకటయ్య
నవతెలంగాణ-కొడంగల్‌
            వ్యవసాయ కార్మిక సంఘం జిల్లా రెండవ మహాసభలు 22,23న కొడంగల్‌ మండలం కేంద్రంలో నిర్వహించతలపెట్టిన వ్యవసాయ కార్మిక సంఘం రెండో మహాసభలకు అధిక సంఖ్యలో తరలిరావాలని వ్యకాస జిల్లా ప్రధాన కార్యదర్శి ఎం.వెంకటయ్య, జిల్లా అధ్యక్షులు బుగ్గప్ప అన్నారు. ఈ సందర్భంగా ఆయన కొడంగల్‌లోని అతిథి గృహంలో విలేకరుల సమావేశంలో వారు మాట్లాడుతూ వ్యవసాయ కార్మిక సంఘం జిల్లా రెండవ మహాసభలు మొదటి రోజు ర్యాలీ, బహిరంగ సభ నిర్వహి స్తున్నామని తెలిపారు. మొదటిరోజు నిర్వహించే ర్యాలీ, బహిరంగ సభకు జిల్లా వ్యాప్తంగా పెద్ద ఎత్తున వ్యవసాయ కార్మికులు హాజరు కావాలని కోరారు. రెండో రోజూ ప్రతినిధుల సభ జరుగు తుందని పేర్కొన్నారు. ఈ మాహాసభలకు ముఖ్య అతిథిగా రాష్ట్ర నాయకులు జిల్లా వ్యాప్తంగా ప్రతి నిధులు హాజరవుతున్నట్టు తెలిపారు. వికారా బాద్‌ జిల్లాలో నిరంతరం వ్యవసాయ కార్మికులు, పేదలు, రైతుల భూ సమస్యలు, అర్హులైన పేదలకు ఇండ్లు స్థలాలు ఇవ్వాలని, పోడు భూమి సమస్యలు, ఉపాధి హామీ చట్టాన్ని పటిష్టంగా అమలు చేయాలని ప్రభుత్వాన్ని డిమాండ్‌ చేశారు. కొడంగల్‌ నియోజకవర్గంలో ఉన్నటు వంటి ప్రజా ప్రతినిధులు, అభ్యుదయవాదులు, కార్మికులు, ప్రజలందరూ సహాయ సహకారాలు అందించి, పెద్ద సంఖ్యలో పాల్గొనిఈ మహా సభలను జయప్రదం చేయాలని కోరారు.ఈ కార్యక్రమంలో సీఐటీయూ జిల్లా ఉపాధ్యక్షులు బుస చంద్రయ్య, యు.రమేష్‌ బాబు, దస్తప్ప పాల్గొన్నారు.