- హాజరైన ఆరోగ్య శాఖ మంత్రి హరీష్‌ రావు
నవతెలంగాణ-శేరిలింగంపల్లి
               యూరప్‌లో అతిపెద్ద హెల్త్‌కేర్‌ ప్రొవైడర్‌గా గుర్తింపు పొందిన మెడికవర్‌ హాస్పిటల్స్‌, హైటెక్‌ సిటీలోని మెడిక వర్‌ క్యాన్సర్‌ ఇన్‌స్టిట్యూట్‌లో ఆసియాలోనే మొట్టమొదటి ట్రూబీమ్‌ ఐడెంటిఫై రేడియోథెరపీ సిస్టమ్‌, మొట్టమొదటి ఎస్‌జిఆర్‌టి, సర్ఫేస్‌ గైడెడ్‌ రేడియోథెరపీ థెరపీని వైద్య ఆరోగ్య శాఖామంత్రి హరీష్‌ రావు ముఖ్యఅతిథిగా హాజరై ప్రారంభించారు. 'ట్రూభీమ్‌ ఐడెంటిఫై రేడియోథెరపీ సిస్ట మ్‌ క్యాన్సర్‌ చికిత్సలో అత్యంత ప్రాయోజిత ఆవిష్కరణ. ఇది వివిధ ఆకారాలు, పరిమాణాలు, స్థానాల నుండి ఖచ్చితత్వంతో కణితులను లక్ష్యంగా చేసుకోవడానికి, చికిత్స చేయడానికి అత్యాధునిక 4డీ ఇమేజింగ్‌ను ఉపయోగిస్తుం ది. ఎస్‌జిఆర్‌టి సర్ఫేస్‌ గైడెడ్‌ రేడియోథెరపీ థెరపీ అనేది క్యాన్సర్‌ రేడియేషన్‌ థెరపీని కచ్ఛితత్వంతో మెరుగుపర చడానికి ఒక అద్భుతమైన ఆరోగ్య సంరక్షణ సాంకేతికత. సాంప్రదాయ రేడియేషన్‌ థెరపీ వలె కాకుండా, రోగులకు మెరుగైన నాణ్యమైన చికిత్స, మరింత రోగి భద్రత, వేగవం తమైన చికిత్స, సౌకర్యాన్ని అందించడానికి ఇది అధునాతన ప్రత్యామ్నాయం' అని నిర్వాహకులు తెలిపారు. ఈ సందర్భంగా మంత్రి హరీశ్‌రావు మాట్లాడుతూ మెడికవర్‌ హాస్పిటల్స్‌ భారతదేశంలోనే అత్యుత్తమ వైద్య చికిత్సను అందిస్తున్నాయని అన్నారు. మెడికవర్‌ క్యాన్సర్‌ ఇన్‌స్టిట్యూ ట్‌కి ట్రూబీమ్‌ ఐడెంటిఫై సిస్టమ్‌, సర్ఫేస్‌ గైడెడ్‌ రేడియో థెరపీ థెరపీని కలిగి ఉండటం, రోగులకు కనిష్టమైన దుష్ప్రభావాలతో ఖచ్ఛితమైన సౌకర్యవంతమైన, మెరుగైన రేడియోథెరపీ చికిత్సను అందించడం గర్వించదగ్గ క్షణమని కొనియాడారు. 2022లో దాదాపు 19-20 లక్షల క్యాన్సర్‌ కేసులు నమోదయ్యాయని. భారతదేశంలో ప్రతి సంవత్స రం 13 లక్షల మందికి పైగా క్యాన్సర్‌ బారిన పడుతు న్నారని తెలిపారు. 2025 నాటికి తెలంగాణలో 53,000 కొత్త క్యాన్సర్‌ కేసులు నమోదు కావచ్చని అంచనా వేసినట్టు వివరించారు. సర్జికల్‌ ఆంకాలజిస్ట్‌ మరియు మెడికవర్‌ క్యాన్సర్‌ ఇన్‌స్టిట్యూట్‌ మేనేజింగ్‌ డైరెక్టర్‌ డాక్టర్‌ శ్రీనివాస్‌ మాట్లాడుతూ భారతదేశంలో పరిశుభ్రత పాటించకపోవ డం, ఆహారపు అలవాట్లు, నిశ్చల జీవనశైలి, వృత్తిపరమైన ప్రమాదాలు, కాలుష్యానికి ఎక్కువ గురికావడం వల్ల క్యాన్స ర్‌ కేసులు పెరుగుతున్నాయని తెలిపారు. తెలంగాణలో 2020లో దాదాపు 47,620 క్యాన్సర్‌ కేసులు నమోదయ్యా యని, ప్రధానంగా రొమ్ము, తల, మెడ, ఊపిరితిత్తులు, గర్భాశయం,కడుపులో పురుషులు, స్త్రీలలో పొగాకును విరివిగా వాడటం తల, మెడ క్యాన్సర్లకు ప్రధాన కారణ మని వివరించారు. ప్రారంభ క్యాన్సర్‌ స్క్రీనింగ్‌లు, చికిత్స క్యాన్సర్‌ను దాని ప్రారంభ దశలోనే గుర్తించి చికిత్స ప్రక్రియ లో సహాయపడతాయని తెలిపారు. మెడికవర్‌ క్యాన్సర్‌ ఇన్‌స్టిట్యూట్‌లోని ఆంకాలజిస్టులు లేదా క్యాన్సర్‌ నిపుణులు వ్యాధి వ్యాప్తిని నియంత్రించడానికి క్యాన్సర్‌ అవగాహన గురించి సాధారణ ప్రజలకు క్రమం తప్పకుండా అవగాహ న కల్పిస్తారని వెల్లడించారు. రేడియేషన్‌ ఆంకాలజీ డైరెక్టర్‌ డాక్టర్‌ వినోద్‌ మద్దిరెడ్డి మాట్లాడుతూ 'ట్రూబీమ్‌ ఐడెంటిఫై రేడియోథెరపీ సిస్టమ్‌ తక్కువ సెషన్‌లలో రోగులను న యం చేయడానికి సహాయపడుతుంది. ఖచ్చితత్వంతో తక్కువ దుష్ప్రభావాలతో వివిధ రకాలైన రేడియేషన్‌ చికిత్స లను అందించడానికి ఈ వ్యవస్థను ఉపయోగించవచ్చు. ఎస్‌జిఆర్‌టి క్యాన్సర్‌ రేడియేషన్‌ థెరపీని పెంచుతుందని, దాదాపు ప్రతి క్యాన్సర్‌ రకానికి చికిత్స చేస్తుంది.' అని అన్నారు. ఎస్‌జిఆర్‌టి గేటింగ్‌ రొమ్ము క్యాన్సర్‌ రేడియోథెరపీ సమయంలో గుండె దెబ్బతినే ప్రమాదాన్ని తగ్గిస్తుందన్నా రు. ఈ ఆశాజనక ఇమేజింగ్‌ పద్ధతి మెదడు, తల, మెడ కణితులు, థొరాక్స్‌, పెల్విక్‌ ట్యూమర్‌లకు చికిత్స సౌలభ్యం, నాణ్యతను మెరుగుపరుస్తుందని తెలిపారు.