నవతెలంగాణ-మాడ్గుల
మండలంలోని నాగిళ్ల గ్రామంలో ఎస్సై, కానిస్టేబుల్‌ ఉద్యోగాలకు ప్రిలిమినరీ పరీక్షల్లో అర్హత సాధించిన అభ్యర్థులకు గ్రామ రైతు సమన్వయ సమితి అధ్యక్షులు పాలకుర్ల రాజు గౌడ్‌ రన్నింగ్‌ ట్రాక్‌ ఏర్పాటు చేశారు. గ్రామ సమీపంలోని ఖాళీ మైదాన ప్రాంతంలో డోజర్‌ తో అభ్యర్థులకు అనుకూలంగా రన్నింగ్‌ ట్రాక్‌ ఏర్పాటు చేశారు. ఈ సందర్భంగా పరీక్షల్లో అర్హత సాధించిన అభ్యర్థులకు ప్రభుత్వ నిర్వహించబోయే ఈవెంట్స్‌ లో రాణించి గ్రామంలో అభ్యర్థులందరూ ఉద్యోగాలు సాధించేందుకు తన వంతుగా ప్రోత్సహిస్తున్నట్లు రాజు గౌడ్‌ పేర్కొన్నారు. ఈ అవకాశాన్ని అభ్యర్థులందరూ సద్వినియోగం చేసుకోవాలని ఆయన కోరారు. కార్యక్రమంలో గ్రామ యువకులు ఉడతల రాజు గౌడ్‌, కాచనపల్లి మహేష్‌,నాగిళ్ల శ్రీకాంత్‌, యాచారం వెంకటేష్‌, పులి కంటి రమేష్‌, వడ్డేమోని చింటూ, శ్రీను, తదితరులు పాల్గొన్నారు.
