- జిల్లా ఉపాధి కల్పన అధికారి అబ్దుస్‌ సుభాన్‌
నవతెలంగాణ- వికారాబాద్‌ కలెక్టరేట్‌
శ్రీ విజయ బయో ఫెర్టిలైజర్స్‌ ఇండియా ప్రయివేట్‌ లిమిటెడ్‌లో జాబ్‌ మేళా ద్వారా ఉద్యోగ అవకాశాలు కల్పిస్తున్నామని జిల్లా ఉపాధి కల్పన అధికారి అబ్దుస్‌ సుభాన్‌ తెలిపారు. జిల్లా ఎంప్లాయిమెంట్‌ కార్యాలయం వికారాబాదులో ఈ నెల 17 శనివారం జాబ్‌ మేళాను నిర్వహిస్తున్నట్లు జిల్లా ఉపాధి కల్పనా అధికారి అబ్దుస్‌ సుభాన్‌ ఒక ప్రకటనలో తెలిపారు. జిల్లా ఎంప్లాయిమెంట్‌ కార్యాలయం ఫ్రభుత్వ ఐటీఐ. క్యాంపస్‌, శుబాష్‌నగర్‌ కాలనీ, వికారాబాదులో నెట్‌ జాబ్‌ మేళా నిర్వహిస్తామని తెలిపారు. దాదాపు 50 సేల్స్‌ రిప్రజెంటేటివ్స్‌ ఉద్యోగాల నియామకానికి స్త్రీ పురుషులు అర్హులని అన్నారు. పదవ తరగతి ఆపై విద్యా అర్హతున్న వారు జాబ్‌ మేళాలో పాల్గొన వచ్చని తెలిపారు. ప్రఖ్యాత ప్రయివేటు పరిశ్రమల యజమాన్యం వారు తమ పరిశ్రమలకు అవసరమగు సిబందిని ఈ జాబ్‌ మేళ ద్వారా ఎన్నుకుంటారని తెలిపారు. ఇతర వివరాలకు జాబ్‌ మేళా నిర్వాహకుడు శ్రీ మియా సాబ్‌ 9676047444ను సంప్రదించాలని తెలిపారు. అభ్యర్థులు అధిక సంఖ్యలో పాల్గొని తగిన ఉద్యోగ అవకాశాలు పొందాలని తెలిపారు.
