నవతెలంగాణ-శేరిలింగంపల్లి
           మాదాపూర్‌లోని శిల్పారామంలో ప్రతి సంవత్సరం ఎంతో ఘనంగా నిర్వహించే 'అల్‌ ఇండియా క్రాఫ్ట్స్‌ మేళ'ను శిల్పారామం స్పెషల్‌ ఆఫీసర్‌ జి. కిషన్‌ రావు, అరుణ్‌ కుమార్‌ డైరెక్టర్‌ హ్యాండ్లూమ్‌, నర్సింహులు, అంజయ్య జనరల్‌ మేనేజర్‌ గురువారం ప్రారంభించారు. మినిస్ట్రీ అఫ్‌ టెక్స్టైల్స్‌ హ్యాండ్లూమ్స్‌ డిపార్ట్మెంట్‌ నుంచి దాదాపుగా వంద స్టాళ్ల, నేషనల్‌ జ్యూట్‌ బోర్డు నుండి నలభై, స్టేట్‌ అవార్డు ఆరుగురు, నేషనల్‌ అవార్డ్స్‌ ఇరవై ఒక్కటి, సంత్‌ కబీర్‌ అవార్డు వారు ఆరుగురు అన్ని కలుపుకొని 450 స్టాల్స్‌ ఏర్పాటు చేశారు. వివిధ రాష్ట్రాలకి చెందిన చేనేత , హస్తకళా, జ్యూట్‌, టెర్రకోట, వుడ్‌ కార్వింగ్‌, సంబంధించిన స్టాల్ల్స్‌ ఉదయం 10:30 నుంచి సాయంత్రం 8:00 గంటల వరకు ఉంటాయి. యంపీ థియేటర్‌లో సాంస్కృతిక కార్యక్రమాలను జ్యోతి ప్రజ్వలన చేసి ప్రారంభించారు. గుజరాత్‌ కమిషనర్‌ యూత్‌ సర్వీస్‌ అండ్‌ కల్చరల్‌ అసిటిఇటిఎస్‌ గవర్నమెంట్‌ అఫ్‌ గుజరాత్‌ వారు మిశ్ర రాస్‌, హుడా, టిప్పణి నృత్యాలు హరీష్‌ మాధవి పోర్బందర్‌ వారు ప్రాచీన గార్బో, అర్వాచీన గార్బో నృత్యాలను హర్షసింహ‌ అహ్మదాబాద్‌ వారు ప్రదర్శించి మెప్పించారు. డాక్టర్‌ ప్రియాంక మిశ్ర బృందం ఒడిస్సి నృత్య ప్రదర్శన ఎంతగానో అలరించింది.