- పడిపూజలో పాల్గొన్న ఎమ్మెల్యే, డీసీసీబీ చైర్మన్‌, బీజేపీ రాష్ట్ర కార్యవర్గ సభ్యులు
నవతెలంగాణ- కుల్కచర్ల
కుల్కచర్ల మండల కేంద్రం అయ్యప్ప శరణు ఘోష లతో మార్మోగింది. ఆదివారం కుల్కచర్ల మండల కేంద్రంలోని అయ్యప్ప కొండపై ఉన్న శ్రీ ధర్మశాస్త్ర దేవా లయం వద్ద అయ్యప్ప సేవా సమితి ఆధ్వర్యంలో ఏర్పాటు చేసిన అయ్యప్ప స్వామి 21వ వార్షికోత్సవ మహా పడిపూజ మహౌత్సవం అంగరంగ వైభవంగా జరిగింది. అయ్యప్ప పడిపూజ మహౌత్సవాన్ని పాలమూరు ఈశ్వర్‌ గురుస్వా మి, అయ్యప్ప సేవా సమితి అధ్యక్షుడు పట్లోల్ల వెంకట్రా మిరెడ్డి, అంగడి ఈశ్వరయ్య సుంకరి సతీష్‌ కుమార్‌ గురుస్వాములు ముందుండి జరిపించారు. ఉదయం పురో హితుల ఆధ్వర్యంలో గణపతి హౌమం, నవగ్రహ పూజలు నిర్వహించారు. అనంతరం అయ్యప్ప స్వామి విగ్రహానికి పంచామ్రుతాలతో అభిషేకం చేశారు. అనంతరం జరిగిన మెట్ల పూజా కార్యక్రమం బుయ్యని అవినాష్‌ రెడ్డి ఆధ్వర్యంలో అత్యంత వైభవంగా సాగింది. వికారాబాద్‌ రవి పంతులు, గురుస్వాములు పాడిన అయ్యప్ప గీతాలతో కుల్కచర్ల మారుమోగింది. అనంతరం ఉమ్మడి రంగారెడ్డి జిల్లా డీసీసీబీ చైర్మన్‌ బుయ్యని మనోహర్‌ రెడ్డి అయ్యప్ప స్వాములకు, భక్తులకు అన్నదానం చేశారు. పూజా కార్యక్రమంలో స్థానిక ఎమ్మెల్యే కొప్పుల మహేష్‌ రెడ్డి, బీజేపీ రాష్ట్ర కార్యవర్గ సభ్యుడు కరణం ప్రహ్లాద్‌ రావు, సర్పంచ్‌ పట్లోల్ల సౌమ్య వెంకట్రామిరెడ్డి, ఆర్బిఎల్‌ ఎండి బుయ్యని శ్రీనివాస్‌ రెడ్డి, బీఆర్‌ఎస్‌ మండల అధ్యక్షుడు శేరి రాంరెడ్డి, రైతు సంఘం అధ్యక్షుడు కెేబీ.రాజు గురు స్వాములు మాలె రాములు, బండని అంజి, పంతుల శ్రీశైలం, శివ కుమార్‌ గౌడ్‌, గణేష్‌ ప్రజా ప్రతినిధులు, వివిధ మండలాల అయ్యప్ప స్వాములు, మహిళ తదితరులు పాల్గొన్నారు.
