- బీఆర్‌ఎస్‌ రాష్ట్ర నాయకులు గోలి శ్రీనివాస్‌ రెడ్డి
- శంకర్‌ కొండ తండా యువతకు క్రికెట్‌ కిట్టు పంపిణీ
నవతెలంగాణ-ఆమనగల్‌
సీఎం కేసీఆర్‌ ఆధ్వర్యంలో రాష్ట్ర ప్రభుత్వం క్రీడా భివృద్ధికి పెద్దపీట వేస్తుందని బీఆర్‌ఎస్‌ రాష్ట్ర నాయకులు గోలి శ్రీనివాస్‌ రెడ్డి అన్నారు. ఆదివారం మండలంలోని శంకర్‌ కొండ తండా యువతకు స్థానిక నాయకులతో కలిసి గోలి శ్రీనివాస్‌ రెడ్డి క్రికెట్‌ కిట్టు పంపిణీ చేశారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ గ్రామీణ ప్రాంతాల్లోని యువతీ యువకుల్లో దాగివున్న క్రీడా నైపుణ్యాన్ని వెలికి తీయడానికి రాష్ట్ర ప్రభుత్వం వివిధ రూపాల్లో కృషి చేస్తుందన్నారు. క్రమ శిక్షణ, ఆత్మవిశ్వాసం, దృఢ సంకల్పంతో యువత ముం దుకు సాగితే ఏ రంగంలోనైనా రాణించవచ్చని గోలి పేర్కొ న్నారు. కార్యక్రమంలో తలకొండపల్లి మండల బీఆర్‌ఎస్‌ వర్కింగ్‌ ప్రెసిడెంట్‌ టి.చంద్రశేఖర్‌ రెడ్డి, శంకర్‌ కొండ తండా ఉపసర్పంచ్‌ ప్రశాంత్‌ నాయక్‌, రైతు విభాగం అధ్యక్షులు రూపం వెంకట్‌ రెడ్డి, కూన స్కైలాబ్‌, ఆమనగల్‌ బీఆర్‌ఎస్‌ మున్సిపల్‌ కార్యదర్శి వడ్డెమోని శివకుమార్‌, బీఆర్‌ఎస్వీ నియోజకవర్గ ప్రధాన కార్యదర్శి సుమన్‌ నాయక్‌, యువనాయకులు చలిచీమల సతీష్‌, బన్నె శేఖర్‌, శ్రీ ఆదివాసీ, గుజ్జరి గోపి, కళ్యాణ్‌ నాయక్‌, హన్మంతు, నవీ న్‌, నరేష్‌, లచ్చు, బంటి తదితరులు పాల్గొన్నారు.
