నవతెలంగాణ-కేశంపేట
మండల పరిధిలోని లేమామిడి గ్రామంలో శుక్రవారం మాదగోని వినరు గౌడ్‌ జ్ఞాపకార్థం బంధువులు,స్నేహితులు సంయుక్తంగా ఎల్‌ పీఎల్‌ -6 క్రికెట్‌ పోటీలను నిర్వహించారు.గ్రామ సర్పంచ్‌ మాధగోని శ్రీశైలంగౌడ్‌, మాధగోని గిరిబాబు అండ్‌ బ్రదర్స్‌ వినయ్‌గౌడ్‌ చిత్రపటానికి పూలమాలలు వేసి ప్రత్యేక నివాళులర్పించి, క్రికెట్‌ పోటీలను ప్రారంభించారు. ఈ సందర్భంగా క్రికెట్‌ అభిమానులకు సంక్రాంతి పండుగ శుభాకాంక్షలు తెలిపారు.అనంతరం సర్పంచ్‌ శ్రీశైలంగౌడ్‌ మాట్లా డుతూ మూడు రోజులపాటు క్రికెట్‌ పోటీలు నిర్వహిస్తున్నట్టు తెలిపారు. గతేడాది మాదిరిగానే గ్రామస్తులు,యువకులు, క్రీడాబిమానులు పాల్గొని విజయవంతం చేయాలని కోరారు. ఈ కార్యక్రమంలో లేమామిడి మాజీ ఉపసర్పంచ్‌ మన్మథ రెడ్డి, జాంగిర్‌ స్వామి, రాకేష్‌ గౌడ్‌, శ్రీను, రమేష్‌ రెడ్డి, అల్లాజీ, సిద్దులు, అంజి నాయక్‌లతోపాటు తదితరులు పాల్గొన్నారు.
