- ఎంపీ రాములు
- చింతలపల్లిలో అంబేద్కర్‌ విగ్రహం ఆవిష్కరణ
నవతెలంగాణ-ఆమనగల్‌
భారత రాజ్యాంగ నిర్మాత డాక్టర్‌ బీఆర్‌ అంబేద్కర్‌ ఆశయ సాధనకు ప్రతి ఒక్కరూ కృషి చేయాలని నాగర్‌ కర్నూల్‌ పార్లమెంటు సభ్యులు పోతుగంటి రాములు అన్నారు. మండలంలోని చింతలపల్లి గ్రామంలో శుక్రవారం అంబేద్కర్‌ యువజన సంఘం ఆధ్వర్యంలో బాబాసాహెబ్‌ డాక్టర్‌ బీఆర్‌ అంబేద్కర్‌ విగ్రహం ఆవిష్కరణ కార్యక్రమం నిర్వహించారు. ఈ కార్యక్రమానికి ముఖ్య అతిథులుగా ఎంపీ రాములు, ఎమ్మెల్యే గుర్క జైపాల్‌ యాదవ్‌, ఢిల్లీలో రాష్ట్ర అధికార ప్రతినిధి మంద జగన్నాథం, ఉమ్మడి మహబూబ్ నగర్ జిల్లా ఎమ్మెల్సీ కసిరెడ్డి నారాయణరెడ్డి, మాజీ జాతీయ బీసీ కమిషన్‌ సభ్యులు తల్లోజు ఆచారి, బీఆర్‌ఎస్‌ రాష్ట్ర నాయకులు గోలి శ్రీనివాస్‌ రెడ్డి, సీఐ జాల ఉపేందర్‌, ఎంపీపీ నేనావత్‌ అనిత విజయ్‌, వైస్‌ ఎంపీపీ జక్కు అనంత్‌ రెడ్డి, తదితరులు హాజరై సర్పంచ్‌ కొప్పు మంజుల యాదయ్యతో కలిసి అంబేద్కర్‌ విగ్రహాన్ని ఆవిష్కరించారు. అనంతరం అశోక్‌ మహరాజ్‌, పర్వతాలు సైనిక్‌ల అధ్యక్షతన జరిగిన సమావేశంలో పాల్గొని మాట్లాడారు. అంబేద్కర్‌ ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు. ఈ కార్యక్రమంలో అంబేద్కర్‌ యువజన సంఘం అధ్యక్షులు కొప్పు బాలయ్య, ఉపాధ్యక్షులు కొప్పు అశోక్‌ మహరాజ్‌, ప్రధాన కార్యదర్శి కొప్పు జంగయ్య, కార్యదర్శి కొప్పు రామకృష్ణ, కోశాధికారి కొప్పు శ్రీనయ్య, ప్రచార కార్యదర్శి కల్లెపోగు జంగయ్య, సాంస్కృతిక కార్యదర్శి కొప్పు నర్సింహ, అంబేద్కర్‌ పూలే గ్రంథాలయం కోఆర్డినేటర్‌ జి.సుధాకర్‌, ఆమనగల్‌ అంబేద్కర్‌ యువజన సంఘం అధ్యక్షులు వగ్గు మహేష్‌, ఏఎంసీ డైరెక్టర్లు సురమళ్ల సుభాష్‌, రమేష్‌ నాయక్‌, రైతు సమన్వయ కమిటీ మండలాధ్యక్షులు నిట్ట నారాయణ, ఎస్సీ,ఎస్టీ మానిటరింగ్‌ కమిటీ సభ్యులు నేనావత్‌ పత్యనాయక్‌, సీనియర్‌ నాయకులు రూపం వెంకట్‌ రెడ్డి, వివిధ పార్టీల నాయకులు, ఆయా గ్రామాల ప్రజా ప్రతినిధులు పాల్గొన్నారు.
