నవతెలంగాణ-రాజేంద్రనగర్‌
రాజేంద్రనగర్‌ లోని ప్రొఫెసర్‌ జయశంకర్‌ అగ్రికల్చర్‌ యూనివర్సిటీలో జరుగుతున్న అంతర్‌ కళాశాల క్రీడా పోటీలు బుధవారంతో ముగియనున్నాయి. మంగళ వారం కళాశాలలో సాంస్కృతిక, లలిత కళల పోటీలను నిర్వహించారు. సాంస్కృతిక కార్యక్రమాల్లో పలువురు విద్యార్థినీ విద్యార్థులు చేసిన నృత్యాలు పలువురిని విశేషంగా ఆకర్షించాయి. ముఖ్యంగా తెలంగాణ సంస్కృతీ సాంప్రదాయాలకు, జానపద గీతాలకు విద్యార్థినులు చేసిన నృత్యాలు హైలెట్‌గా నిలిచాయి. శాస్త్రీయ నృత్యం, వన్‌ ఆక్ట్‌ ప్లే, సాహిత్య పోటీలైన ఉపన్యాస పోటీలు, సృజ నాత్మక పోటీలైన రంగోలి వంటి పోటీలను విజయవం తంగా నిర్వహించారు. విద్యార్థులు ఆయా అంశాలలో ఉత్సాహంతో పాల్గొంటున్నారు. అన్ని అంశాలలో తుది ఫలితాలు నేడు వెలువడనున్నాయి.