- ప్రారంభించిన మంత్రి కేటీఆర్‌, పాల్గొన్న ఎంపీ రంజిత్‌రెడ్డి
నవతెలంగాణ-రంగారెడ్డి ప్రాంతీయ ప్రతినిధి
డబుల్‌ డెక్కర్‌ బస్సులు హైదరబాద్‌లో రరు.. రరు అంటూ తిరుగుతున్నాయి. గతంలో నగరంలో సందడి చేసిన డబుల్‌ డెక్కర్‌ బస్సులు కొన్ని కారణాలతో రద్దు చేసిన విషయం తెలిసిందే.. ఎట్టకేలకు మళ్ళీ ఈ బస్సులు రావడం నగర ప్రజలకు అనందదాయకంగా ఉంది. ఇక డబుల్‌ డెక్కర్‌ బస్సులు నగరంలో సందడి చేయనున్నాయి. గతంలో ఓ నెటిజన్‌ మంత్రి కేటీఆర్‌కు ట్వీట్‌ చేస్తూ హైదరాబాద్‌లో డబుల్‌ డెక్కర్‌ బస్సులను ప్రవేశపెట్టాలని కోరగా దానికి కేటీఆర్‌ స్పందిస్తూ త్వరలోనే తీసుకొస్తామని హామీ ఇచ్చారు. ఈ నేపథ్యంలోనే ఇచ్చిన మాట మేరకు ఎట్టకేలకు డబుల్‌ డెక్కర్‌ బస్సులను తీసుకొచ్చారు. మంగళవారం మూడు ఎలక్ట్రిక్‌ డబుల్‌ డెక్కర్‌ బస్సులను మంత్రి కేటీఆర్‌ ప్రారంభించారు. ఈ కార్యక్రమంలో సీఎస్‌ శాంతి కుమారి, ఎంపీ రంజిత్‌ రెడ్డి, స్పెషల్‌ చీఫ్‌ సెక్రటరీ అరవింద్‌కుమార్‌ పాల్గొన్నారు.
