- ప్రముఖ సంఘ సేవకులు పాపిశెట్టి రాము
- ఆర్మీ ఉద్యోగం సాధించిన యువకునికి సన్మానం
నవతెలంగాణ-ఆమనగల్‌
కృషి పట్టుదలతో కష్టపడి తాము ఎంచుకున్న లక్ష్యాలను సాధించుకోవాలని ప్రముఖ సంఘ సేవకులు, సాయిరాం మెడికల్‌ నిర్వాహకులు పాపిశెట్టి రాము పిలుపునిచ్చారు. తలకొండపల్లి మండలం ఆర్లకుంటతండాకు చెందిన బానోత్‌ కుమార్‌ ఆర్మీ అకాడమీలో కోచింగ్‌ తీసుకుని ఇటీవల ఆర్మీ విభాగంలో అగ్నిపథ్‌ ఉద్యోగం సాధించాడు. ఈ నేపథ్యంలో మండలంలోని రాంనుంతల గ్రామం సమీపంలో నిర్వహించిన కార్యక్రమంలో బుధవారం పాపిశెట్టి రాము స్థానిక సర్పంచ్‌ వడ్త్యావత్‌ సోనా, శ్రీను నాయక్‌తో కలిసి బానోత్‌ కుమార్‌కు పూలమాలలు, శాలువాలతో ఘనంగా సన్మానించారు. ఈసందర్భంగా వారు మాట్లాడుతూ ఉన్నత విద్యను అభ్యసించిన నిరుద్యోగ యువతీ యువకులు కష్టపడి చదివి తమ తల్లిదండ్రుల కలలను సాకారం చేయడంతో పాటు తాము పుట్టి పెరిగిన ప్రాంతానికి గుర్తింపు తేవాలని సూచించారు. ఈ కార్యక్రమంలో నాయకులు పూసల భాస్కర్‌, శ్రీకాంత్‌ నాయక్‌, శ్రీను నాయక్‌, గణేష్‌ నాయక్‌, రాజునాయక్‌, శ్రీరాం, సాయి, కుమార్‌ పాల్గొన్నారు.
