- ఎంఈవో వెంకట్‌రెడ్డి
నవతెలంగాణ-మంచాల
ప్రభుత్వ పాఠశాలల్లో పదోవ తరగతి విద్యార్థులకు సాయంత్రం సమయంలో స్నాక్స్‌ అందిస్తున్నామని మంచాల ఎంఈవో వెంకట్‌ రెడ్డి తెలిపారు. గురువారం మండల కేంద్రంలో ఆయన మాట్లాడుతూ పదోవ విద్యార్థులకు వార్షిక పరీక్షలు దగ్గర పడటంతో పదో తరగతి విద్యార్థులకు స్పెషల్‌ క్లాసులు తీసుకోవడంతో పాఠశాలల్లో సాయంత్రం 6 గంటల వరకూ ఉంటున్నారని చెప్పారు. ఈ నేపథ్యంలో మండలలోని ప్రతీ పాఠశాలలో పదో తరగతి విద్యార్థులందరికీ సాయంత్రం స్నాక్స్‌ అందజేస్తున్నట్టు తెలిపారు. మండలంలో పదోవ తరగతి చదువుతున్న విద్యార్థులు మొత్తం 325 మంది ఉంటారనీ, వారందరికీ ప్రతి రోజూ సాయంత్రం స్నాక్స్‌ అందిస్తున్నట్టు తెలిపారు.జడ్పీహెచ్‌ఎస్‌ మంచాల పాఠశాలలో విద్యార్థులకు స్నాక్స్‌ అందజేస్తున్న జీహెచ్‌ఎం నారాయణ రెడ్డి తదితరులున్నారు.