నవతెలంగాణ-మంచాల
మండల పరిధిలోని తాళ్ళపల్లిగూడ గ్రామంలో కాంగ్రెస్‌ బూత్‌ కమిటీలను ఏకగ్రీవంగా ఎన్నుకున్నట్టు కాంగ్రెస్‌ జిల్లా కార్యదర్శి మునికుంట్ల సంతోష్‌ కుమార్‌ గౌడ్‌ తెలిపారు. గురువారం మండల పరిధిలోని తాళ్ళపల్లిగూడ గ్రామంలో ఆయన మాట్లాడుతూ టీపీసీసీ ఉపాధ్యక్షులు మల్‌రెడ్డి రంగారెడ్డి ఆదేశాల మేరకు ఇబ్రహీం పట్నం నియోజక వర్గంలో మంచాల మండలంలో ప్రతి గ్రామంలో బూత్‌ కమిటీలను ఎన్నుకుంటున్నట్టు తెలిపారు. ప్రతి కార్యకర్తా పార్టీ అభివృద్ధికి కృషి చేయాలని కోరారు. కార్యక్రమంలో ఎంపీటీసీల ఫోరం మండలాధ్యక్షులు ఎడమ నరేందర్‌ రెడ్డి, అధ్యక్షులు పల్లాటి జయనందము, మండల వర్కింగ్‌ ప్రెసిడెంట్‌ ఏర్పుల రాజు, మండల కార్యదర్శి కాస గణేష్‌, సీనియర్‌ నాయకులు వింజమూరి ప్రేమాకర్‌ రెడ్డి, కంద కట్ల జైపాల్‌ రెడ్డి, పల్లాటి జంగయ్య, ముత్యాల హరికృష్ణ తదితరులు పాల్గొన్నారు.
మీ స్నేహితులకు రికమెండ్ చెయ్యండి
