- బీజేపీ రాష్ట్ర అధ్యక్షులు బండి సంజరు
నవతెలంగాణ చేవెళ్ల
క్రీడల్లో గెలుపు ఓటములు సహజమని బీజేపీ రాష్ట్ర అధ్యక్షులు బండి సంజరు అన్నారు. చేవెళ్ల మండల కేంద్రంలోని కేవీఆర్‌ గ్రౌండ్‌లో కాసుల రామ్‌గౌడ్‌-కాసుల నాగరాజు గౌడ్‌ ఆధ్వర్యంలో ఏర్పాటు చేసిన కాసుల బాబయ్య గౌడ్‌-కాసుల జ్ఞనేశ్వర్‌ గౌడ్‌ మెమోరియల్‌ క్రికెట్‌ టోర్నమెంట్‌ను చేవెళ్ల మాజీ పార్లమెంటు సభ్యులు కొండా విశ్వేశ్వర్‌ రెడ్డి, చేవెళ్ల పీఏసీఎస్‌ చైర్మన్‌ దేవర వెంకట్‌ రెడ్డి, కేసారం గ్రామ సర్పంచ్‌ కాసుల రమేష్‌ గౌడ్‌, కాంగ్రెస్‌ పార్టీ ఉపాధ్యక్షుడు బండారి ఆగిరెడ్డి, చేవెళ్ల పీఏసీఎస్‌ డైరెక్టర్‌ పైండ్ల మధుసూదన్‌ రెడ్డి, బీజేపీ మండల అధ్యక్షుడు దేవర పాండురంగారెడ్డి, మండల ప్రధాన కార్యదర్శి అత్తెల్లి అనంత్‌ రెడ్డితో కలిసి ప్రారంభించారు. ఈ సందర్భంగా ఆయన మాట్లాడుతూ క్రీడలతో స్నేహ సంబంధాలు మెరుగు పడతాయని, క్రీడలతో మానసిక ఉల్లాసంతో పాటు శారీరక దృఢత్వానికి దోహదపడుతాయన్నారు. క్రీడల వల్ల నాయకత్వ లక్షణాలు పెంపొందించుకోవచ్చని అన్నారు. యువత చదువుతో పాటు క్రీడల్లో రాణించి రాష్ట్ర, జిల్లా స్థాయిలో గుర్తింపు తెచ్చుకోవాలని సూచించారు.ఈ క్రీడా లతో వల్ల గ్రామీణ క్రీడాకారులు ప్రతిభ వెలికితీయవచ్చని తెలిపారు. అనంతరం ఏబీ టీమ్‌, కేసారం గోల్డెన్‌ ఈగల్స్‌ జట్ల మధ్య జరిగిన మొదటి మ్యాచ్‌ ను బీజేపీ రాష్ట్ర అధ్యక్షులు బండి సంజరు, మాజీ ఎంపీ కొండా విశ్వేశ్వర్‌ రెడ్డిలు తిలకించారు. ఈ కార్యక్రమంలో నాయకులు కాసుల రాఘవేందర్‌ గౌడ్‌, దయానంద్‌ గౌడ్‌, నిరంజన్‌ గౌడ్‌, లక్ష్మణ్‌ గౌడ్‌, నాగరాజు గౌడ్‌, ఆర్గనైజర్లు దర్శన్‌, రామ్‌ లక్కీ, బద్రి, కరుణాకర్‌ రెడ్డి, శశాంక్‌, సువాస్‌ గౌడ్‌, క్రీడాకారులు తదితరులు ఉన్నారు.
