- బీఆర్‌ఎస్‌ అధ్యక్షులు పొనుగోటి అర్జున్ రావు, నేనావత్‌ పత్య నాయక్‌
నవతెలంగాణ-ఆమనగల్‌
ఆమనగల్‌ పట్టణంలో శుక్రవారం నిర్వహించే ముఖ్యమంత్రి కేసీఆర్‌ జన్మదిన వేడుకలను జయప్రదం చేయాలని బీఆర్‌ఎస్‌ మండల, మున్సిపాలిటీ అధ్యక్షులు పొనుగోటి అర్జున్‌రావు, నేనావత్‌ పత్య నాయక్‌ అన్నా రు. గురువారం ఆమనగల్‌ పట్టణంలో ఏర్పాటు చేసిన విలేకరుల సమావేశంలో ఏఎంసీ చైర్మెన్‌ నాలాపురం శ్రీనివాస్‌రెడ్డి, రైతు సమన్వయ కమిటీ మండల అధ్యక్షు డు నిట్ట నారాయణ తదితరులతో కలిసి వారు మాట్లాడా రు. శుక్రవారం ఉదయం 10 గంటలకు బస్టాండ్‌ ఆవరణలో నిర్వహిస్తున్న సీఎం కేసీఆర్‌ జన్మదిన వేడుకలకు ముఖ్య అతిథులుగా కల్వకుర్తి శాసన సభ్యులు గుర్క జైపాల్‌యాదవ్‌ హాజరై కేక్‌ కట్‌ చేస్తారని వారు తెలిపారు. ఈ కార్యక్రమానికి బీఆర్‌ఎస్‌ నాయకులు, ప్రజాప్రతినిధులు, కార్యకర్తలు, అభిమానులు పెద్దసంఖ్యలో హాజరై కార్యక్రమాన్ని విజయవంతం చేయాలని వారు కోరారు. ఈ సమావేశంలో బీఆర్‌ఎస్‌ మండల ప్రధాన కార్యదర్శి గండికోట శంకర్‌, ఎంపీటీసీ సభ్యులు సరిత పంతు నాయక్‌, నాయకులు పరమేష్‌, కిరణ్‌, రమేష్‌, కేశవ్‌, విజేందర్‌, జంగయ్య, అల్లాజీ, విక్రమ్‌ తదితరులు పాల్గొన్నారు.
