నవతెలంగాణ-వికారాబాద్‌ కలెక్టరేట్‌
           తెలంగాణ ఫీల్డ్‌ అసిస్టెంట్లు యూనియన్‌ (బీఆర్‌ఎస్‌కే వీ అనుబందం) ఆధ్వర్యంలో స్థానిక జిల్లా గ్రంథాలయ సంస్థ ఆవరణలో యూనియన్‌ జిల్లా అధ్యక్షుడు చంద్రశేఖర్‌ అధ్యక్షతన సీఎం కేసీఆర్‌ జన్మదిన వేడుకలు నిర్వహించారు. ఈ కార్యక్రమానికి ముఖ్య అతిథిగా బీఆర్‌ఎస్‌కేవీ జిల్లా అధ్యక్షుడు టైగర్‌ కృష్ణయ్య హాజరయ్యారు. ఈ సందర్భంగా కేక్‌ కట్‌ చేశారు. అనంతరం జిల్లా నూతన కలెక్టర్‌గా బాధ్యతలు చేపట్టిన నారాయణరెడ్డిని కలిసి బోకె, శాలువాతో సన్మానించారు. అనంతరం డీఆర్‌డీఓ పీడీని కలిశారు. ఈ కార్యక్రమంలో యూనియన్‌ నాయకులు వెంకటయ్య, రామదాసు, రమేష్‌, నర్సిం హులుగౌడ్‌, అంజి, స్వామీ, నారాయణ, తదితరులు పాల్గొన్నారు.