- ఆరుట్ల సర్పంచ్‌ కొంగర విష్ణువర్ధన్‌ రెడ్డి
నవతెలంగాణ-మంచాల
ప్రణాళికబద్దంగా గ్రామాభివృద్ధికి కృషి చేస్తామని ఆరుట్ల సర్పంచ్‌ కొంగర విష్ణువర్ధన్‌ రెడ్డి అన్నారు.మంగళవారం మండల పరిధిలోని ఆరుట్ల గ్రామ వెంకటేశ్వర కాలనీలో గ్రామ పంచాయతీ నిధులు రూ.5 లక్షలతో సీసీరోడ్డు నిర్మాణ పనులు ప్రారంభించారు.ఈ సందర్భంగా ఆయన మాట్లాడుతూ వెంకటేశ్వర నగర్‌కాలనీలో సీసీరోడ్డు లేకపోవడంతో ప్రజలు అనేక ఇబ్బందులు ఎదుర్కొంటున్నారని భావించి, గ్రామ నిధుల నుంచి రూ.5 లక్షలతో సీసీరోడ్డు నిర్మిస్తున్నట్టు తెలిపారు. రానున్న రోజుల్లో గ్రామంలో అవసరమైన చోట సీసీరోడ్డు, అండర్‌ డ్రయినేజీ నిర్మాణ పనులకు విడుతలవారిగా నిధులు కేటాయించి అభివృద్ధికి కృషి చేస్తానని చెప్పారు. కార్యక్రమంలో ఎంపీటీసీలు కావాలి శ్రీనివాస్‌, చీరాల రమేశ్‌, ఉపసర్పంచ్‌ పాండాల జంగయ్య గౌడ్‌, పంచాయితీ కార్యదర్శి వెంకటేష్‌, వార్డు సభ్యులు తదితరులున్నారు.
