- మండల వైస్‌ ఎంపీపీ మ్యాక శ్రీనివాస్‌ రెడ్డి
నవతెలంగాణ-తలకొండపల్లి
తలకొండపల్లి మండలం గట్టుఇప్పలపల్లి గ్రామంలో గురువారం ఉప్పల చారిటబుల్‌ ట్రస్ట్‌ ద్వారా అసంపూర్తి ఇంటి నిర్మాణంలో భాగంగా నిరుపేద కుటుంబాలకు ఇంటి సామాగ్రి అందజేస్తుంది. గురువారం ఉప్పట చారిటబుల్‌ ట్రస్టు చైర్మెన్‌ తలకొండపల్లి జడ్పీటీసీ ఉప్పల వెంకటేశ్‌ ,మండ్ల పాండు, గన్నోజు కృష్ణమాచారి, బంగారుగడ్డ సాయమ్మలకు ఇంటి నిర్మాణానికి ఇసుక అందజేశారు. దీంతో ఉప్పల వెంకటేష్‌కు , స్థానిక మండల వైస్‌ ఎంపీపీ మ్యాక శ్రీనివాస్‌రెడ్డికి ప్రత్యేక కృతజ్ఞతలు తెలిపారు.అనంతరం గట్టుఇప్పలపల్లిలో బంగారుగడ్డ పెంటయ్య అనారోగ్యతో బాధపడుతూ మృతి చెందాడు. ఈ విషయం స్థానిక మండల వైస్‌ ఎంపీపీ మ్యాక శ్రీనివాసరెడ్డి ద్వారా తెలుసుకున్న ఉప్పల చారిటబుల్‌ ట్రస్ట్‌ చైర్మన్‌ జడ్పీటీసీ ఉప్పల వెంకటేష్‌ మృతిని కుటుంబానికి ప్రగాఢ సంతాపం తెలిపి, రూ. 3 వేల రూపాయల ఆర్థిక సహాయం అందజేశారు. ఈ కార్యక్రమంలో వైస్‌ ఎంపీపీ మ్యాక శ్రీనివాస్‌ రెడ్డి, మాజీ సర్పంచ్‌ మైసయ్య, మాజీ ఉపసర్పంచ్‌ హరికిషన్‌ రెడ్డి, బాపురెడ్డి, భాస్కర్‌ రెడ్డి, ఆలూరి పాండు, ఆంధ్ర కృష్ణారెడ్డి, పరమేష్‌, రవి,రాజశేఖర్‌, పాండు, మాధవరెడ్డి,యాదయ్య, శ్రీను తదితరులు పాల్గొన్నారు.
