నవతెలంగాణ-ఆమనగల్‌
కడ్తాల్‌ మండలంలోని రావిచేడ్‌ గ్రామంలో మార్చి 2వ తేదీన ప్రారంభించే శ్రీ వెంకటేశ్వర స్వామి బ్రహ్మౌత్సవాలు ఘనంగా నిర్వహించనున్నట్టు జిల్లా ఎంపీటీసీల సంఘం కార్యదర్శి, రావిచేడ్‌ ఎంపీటీసీ సభ్యులు బొప్పిడి గోపాల్‌ తెలిపారు. సోమవారం పలువురు ప్రజాప్రతినిధులతో వారు కలిసి ఎమ్మెల్యే జైపాల్‌ యాదవ్‌కు, ఎమ్మెల్సీ కసిరెడ్డి నారాయణరెడ్డికి బ్రహోత్సవాలకు హాజరు కావాలని ఆహ్వాన పత్రికలు అందజేశారు. 5 రోజుల పాటు అంగరంగ వైభ వంగా నిర్వహించే బ్రహ్మౌత్సవాలకు ముఖ్య అతిథులుగా హాజరై, ఆ కార్యక్రమాన్ని జయప్రదం చేయాలని బొప్పిడి గోపాల్‌ పేర్కొన్నారు. ఈ కార్యక్రమంలో వార్డు సభ్యులు పవన్‌, మల్లేష్‌ యాదవ్‌, రైతు సమన్వయ కమిటీ అధ్యక్షుడు బాలకృష్ణ, నాయకులు బండ లింగం యాదవ్‌, జితేందర్‌ రెడ్డి తదితరులు పాల్గొన్నారు.
మీ స్నేహితులకు రికమెండ్ చెయ్యండి
