- ఎంపీపీ గౌరవరం పద్మా రెడ్డి
నవతెలంగాణ-మాడ్గుల
            మండలంలోని ఆయా గ్రామాలలో మౌలిక వస్తువుల కల్పనకు దశలవారీగా శాయశక్తుల కృషి చేస్తున్నామని ఎంపీపీ గౌరవరం పద్మా రెడ్డి
అన్నారు. మండలంలోని దొడ్లపాడు గ్రామంలో మండల పరిషత్‌ నిధులు రూ.2 లక్షల 50 వేలుతో అండర్‌ డ్రయినేజీ నిర్మాణానికి ఎంపీపీ గ్రామ సర్పంచ్‌ గజ్జ విజయ నిరంజన్‌ గౌడ్‌, గ్రామస్తులతో కలిసి సోమవారం శంకుస్థాపన చేశారు. ఈ కార్యక్రమంలో వార్డు సభ్యులు ఏదుల మల్లేష్‌ నాయకులు గునికంటి నిరంజన్‌, పాలకూరల శ్రీను, రౌతు చిన్న అంజయ్య, సబాతి రాములు, ఉడతల పెద్దయ్య, కాయితి అభినందన్‌ రెడ్డి, గడ్డమీద వెంకటయ్య, చింతకింది యాదయ్య తదితరులు పాల్గొన్నారు.