- బీఆర్‌ఎస్‌ నేత షేక్‌ ఆదిల్‌ పటేల్‌
నవతెలంగాణ-శేరిలింగంపల్లి
చిన్నారులలో ఉన్న సృజనాత్మకతను వెలికితీయాలని బీఆర్‌ఎస్‌ నేత షేక్‌ ఆదిల్‌ పటేల్‌ అన్నారు. కొండాపూర్‌ డివిజన్‌ పరిధిలోని రాఘవేంద్ర కాలనీలోని సంస్కృతీ గ్రూప్‌ అఫ్‌ స్కూల్స్‌ ఆధ్వర్యంలో చైర్మన్‌ మంగళరపు లక్ష్మణ్‌ మంగళవారం చిన్నారుల మెగా సైన్స్‌ ఎక్సపో ప్రదర్శన, సాంస్కృతిక ప్రదర్శన కార్యక్రమాలు నిర్వహించారు. ఈ కార్యక్రమానికి ఆదిల్‌ హాజరై తిలకించారు. ఈ సందర్భం గా వారు మాట్లాడుతూ పిల్లల్లో ఉన్న మేధాశక్తిని వెలికి తీసే ఇలాంటి బహూత్తర కార్యక్రమాలను మరిన్ని నిర్వ హించాలని సూచించారు. చిన్నారులు వేసిన సీతారామ కల్యాణం నాటికను చూసి, పాత్రదారులైన చిన్నారులను అభినందించారు. ఈ కార్యక్రమంలో బీఆర్‌ఎస్‌ జనరల్‌ సెక్రటరీ పేరుక రమేష్‌ పటేల్‌, సీనియర్‌ నాయకులు కె. నిర్మల, బుడుగు తిరుపతిరెడ్డి, యాదయ్యగౌడ్‌, సిద్దిఖ్‌నగర్‌ బస్తీ ప్రెసిడెంట్‌ కాలే బసవరాజు పాల్గొన్నారు.
