- టీఎస్‌యూటీఎఫ్‌ రాష్ట్ర కార్యదర్శి గాలయ్య
- ఇబ్రహీంపట్నం మండలంలో ప్రచారం
నవతెలంగాణ-రంగారెడ్డి ప్రతినిధి
మహబూబ్‌నగర్‌, రంగారెడ్డి, హైదరాబాద్ ఉపాధ్యా య ఎమ్మెల్సీగా పాపన్నగారి మాణిక్‌రెడ్డిని గెలిపించాలని యూటీఎఫ్‌ రాష్ట్ర కార్యదర్శి గాలయ్య పిలుపునిచ్చారు. ఈ మేరకు ఇబ్రహీంపట్నం మండలంలోని జడ్పీహెచ్‌ఎస్‌ పోల్కంపల్లి, నాగన్‌పల్లి, కేజీబీవీ, మోడల్‌ స్కూల్‌, రెసిడెన్షి యల్‌ స్కూల్స్‌లో గురువారం ప్రచారం నిర్వహించారు. ఈ సందర్భంగా ఆయన మాట్లాడుతూ.. ప్రభుత్వ విద్యారంగ పరిరక్షణకు, ఉపాధ్యాయ సంక్షేమం కోసం మానిక్‌రెడ్డిని గెలిపించాలని కోరారు. మార్చి 13న జరిగే ఎన్నికల్లో సీరియల్ నెంబర్‌ 17 పై మొదటి ప్రాధాన్యత ఓటు వేసి, మాణిక్‌రెడ్డిని అత్యధిక మెజార్టీతో గెలిపించాలని విజ్ఞప్తి చేశారు. ఈ కార్యక్రమంలో రాష్ట్ర కార్యవర్గ సభ్యులు రాములయ్య, ఇబ్రహీంపట్నం మండలం ప్రధాన కార్యదర్శి కిరణ్‌కుమార్‌, ఉపాధ్యక్షులు శ్రీనివాస్‌, కె రవి, శ్రీరామ్‌, బాలాజీ, రాష్ట్ర కార్యవర్గ సభ్యులు వలి, కోటేశ్వరరావు, భీమ్‌, తదితరులు పాల్గొన్నారు.
