నవతెలంగాణ-తలకొండపల్లి
తలకొండపల్లి మండలంలోని దేవుని పడకల్‌ గ్రామంలో నిర్వహిస్తున్న శ్రీ వెంకటేశ్వరస్వామి బ్రహోత్సవాల సందర్భంగా ప్రజా ప్రతినిధులకు, నాయకులకు శుక్రవారం ఆహ్వాన పత్రిక అందజేసినట్టు సర్పంచ్‌ శ్రీశైలం తెలిపారు. ఈ బ్రహోత్సవాలకు హైదరాబాద్‌లో తమ నివాసంలో రామకృష్ణపురం గ్రామస్తులు శతాబ్ది టౌన్‌ షిప్‌ చైర్మెన్‌ కె. శ్రీనివాస్‌ రెడ్డిని మర్యాదపూర్వకంగా కలిసి, ఆహ్వాన పత్రిక అందజేశారు. ఈ సందర్భంగా సర్పంచ్‌ శ్రీశైలం మాట్లాడుతూ బ్రహోత్సవాల సందర్భంగా ఎడ్ల పందెం- బండలాగుడు పోటీలకు బహుమతులు ప్రదానం చేసేందుకు శాతాబ్ది టౌన్‌ షిప్‌ చైర్మెన్‌ కె. శ్రీనివాస్‌రెడ్డి రూ.2లక్షల 80 వేలు, వాలీబాల్‌ పోటీలకు క్రీడా దుస్తులకు రూ.లక్షా 20 వేలు ఆర్థిక సహకారం అందించనున్నట్టు తెలిపారు. యువత, గ్రామ పెద్దలు, గ్రామస్తులు, క్రీడాకారులు కలిసి చైర్మన్‌ కె. శ్రీనివాస్‌ రెడ్డికి ప్రత్యేక ధన్యవాదాలు తెలిపారు.ఈ కార్యక్రమంలో పద్మసత్యం, చక్రి, కృష్ణ, మల్లేష్‌ తదితరులు పాల్గొన్నారు.
