- వికారాబాద్‌ మున్సిపల్‌ చైర్‌పర్సన్‌ చిగుళ్లపల్లి మంజుల రమేష్‌
నవతెలంగాణ -వికారాబాద్‌ కలెక్టరేట్‌
మహిళలు కూడా పురుషులతో సమానంగా అన్ని రంగాలలో ముందుకు వెళ్తున్నారని, మనం మహిళలం కదా అని నిరుత్సాహపడకుండా, సమస్య ఎంత పెద్దదైనా దానిని ధైర్యంగా ఎదుర్కోవాలని తెలంగాణ రాష్ట్ర మున్సిపల్‌ చైర్మన్స్‌ ఛాంబర్‌ వైస్‌ చైర్‌పర్సన్‌, వికారాబాద్‌ మున్సిపల్‌ చైర్‌పర్సన్‌ చిగుళ్లపల్లి మంజుల రమేష్‌ అన్నారు. ఆదివారం ఆర్యవైశ్య సంఘం ఆధ్వర్యంలో నిర్వహించిన హౌ లీ, మహిళా దినోత్సవం సంబురాలలో ఆమె ముఖ్య అతిథిగా హాజరయ్యారు. ఈ సందర్భంగా ఆర్యవైశ్య సంఘం సభ్యులు, సంఘం పెద్దలు, ఆర్యవైశ్య మహిళలతో ఆనందంగా సంబురాలలో పాల్గొన్నారు. అనంతరం చైర్‌పర్సన్‌ మాట్లాడుతూ మహిళలు దేంట్లో తక్కువ కాదు అన్నారు. మనం ఏం చేయగలం అని నిరాశ చెందకుండా, సమస్య ఎంత పెద్దదైనా ధైర్యంగా ఎదుర్కొని, అనుకున్న లక్ష్యాన్ని చేరుకోవాలన్నారు. మహిళలకు తనలో ఉన్న శక్తి తనకే తెలియదని, ఆ శక్తి ఏంటో ఒక్కసారి తెలుసుకుంటే విజయం మన సొంతం అవుతుందని సూచించారు. ఈ సంబరాలలో ఆర్యవైశ్య సంఘం మహిళలు పెద్ద సంఖ్యలో పాల్గొన్నారు.
