- పీఆర్టీయూ అసోసియేట్‌ ప్రెసిడెంట్‌ అండెం ప్రతాప్‌రెడ్డి
- ఉపాధ్యాయులకు ఓటర్‌ స్లిప్పుల పంపిణీ
నవతెలంగాణ-యాచారం
13న జరగనున్న ఉపాధ్యాయ ఎమ్మెల్సీ ఎన్నికలలో గుర్రం చెన్నకేశవరెడ్డి విజయం సాధించడం ఖాయమని పీఆర్టీయూ రాష్ట్ర అసోసియేట్‌ అధ్యక్షులు అండెం ప్రతాప్‌ రెడ్డి ఆశాభావం వ్యక్తం చేశారు. గురువారం యాచారం మండలంలోని వివిధ ఉన్నత పాఠశాలలను సందర్శించి ఉపాధ్యాయులకు ఓటర్‌ స్లిప్పులను పంపిణీ చేశారు. ఈ సందర్భంగా ఆయన మాట్లాడుతూ ఉపాధ్యాయులు ఎదుర్కొంటున్న సమస్యల పరిష్కారానికి నిరంతరం కృషి చేస్తున్న పీఅర్టీయూ టీఎస్‌ అభ్యర్థికి ఉపాధ్యాయులంతా మొగ్గు చూపుతున్నారని తెలిపారు. ఈ ఎన్నికల్లో ఎట్టి పరిస్థితుల్లోను కార్పొరేట్‌ శక్తులకు మద్దతు ఇవ్వకూడదని ఉపాధ్యాయులకు పిలుపునిచ్చారు. ఈ కార్యక్రమంలో పీఆర్టీయూ మండల అధ్యక్షులు మరిపల్లి మహేశ్‌ యాదవ్‌, ప్రధాన కార్యదర్శి చాట్ల యాదగిరి, మండల బాధ్యులు బోజ య్య వివిధ పాఠశాలల ప్రధానోపాధ్యాయులు, ఉపాధ్యా యులు పాల్గొన్నారు.
