- వైధ్యాధికారులు భారతి, సుధా
- గచ్చిబౌలిలో ఘనంగా మహిళా దినోత్సవ వేడుకలు
నవతెలంగాణ-మియాపూర్‌
మహిళలపై వివక్ష తగదని వైద్యాధికారులు భారతిసుధా అన్నారు. గురువారం సుందరయ్య విజ్ఞాన కేంద్రం గచ్చిబౌలిలోని సోమనాద్రి భూపాల్‌ హాల్‌లో మహిళా దినోత్సవం వేడుకలు ఘనంగా నిర్వరహించారు. ఈ సందర్భంగా ఏర్పాటు చేసిన సమావేశానికి పి. మంజుల అధ్యక్షత వహించగా, ముఖ్య అతిధులుగా డాక్టర్‌ భారతి సుధా పాల్గొన్ని, మాట్లాడుతూ మహిళలు అన్నిరంగాల్లో రాణిస్తున్నారనీ, మరిన్ని రంగాల అభివృద్ధిలో మహిళలు రాణిచాలని ఆకాంక్షించారు. మహిళల ఆరోగ్య సమస్యలపై ప్రాజెక్టర్‌ ద్వారా వివరించారు. ప్రాథమికంగా మహిళలకు ఆరోగ్యం పట్ల ఉండే అపోహలపై అదేవిధంగా వివిధ రకాల క్యాన్సర్‌లపై అవగాహన కల్పించారు. మరో ముఖ్య అతిది మహిళా నాయకురాలు కృష్ణ కుమారి మాట్లాడుతూ మహిళలపై వివక్షత తగదనీ, మహిళలపై జరిగే లైంగిక వేధింపులకు వ్యతిరేకంగా మహిళలందరూ పోరాడాలని కోరారు. మహిళలకు అన్ని రంగాల్లో సమాన హక్కు లభించి నప్పుడే సమాజం అభివృద్ధి చెందుతోందన్నారు. అనంతరం మహిళలకు వివిధ రకాల క్రీడలను నిర్వహించి, గెలు పొందిన వారికి బహుమతులు అందించారు. ఈ కార్య క్రమంలో వివిధ సాఫ్ట్‌ వేర్‌ కంపెనీలా ఉద్యోగస్తులు, మహిళా బాధ్యులు ఎం.రేణుకమ్మ, సుందరయ్య విజ్ఞాన కేంద్రం బాధ్యులు సాంబశివరావు,శ్రీనివాస్‌రావు, విజయ్‌ కుమార్‌, అనిల్‌, రవి సిబ్బంది తదితరులు పాల్గొన్నారు.
