నవతెలంగాణ-ఆమనగల్‌
ఇటీవల నూతనంగా ఎన్నికైన కాంగ్రెస్‌ కమిటీ కార్యవర్గాన్ని శుక్రవారం కడ్తాల్‌ మండలంలోని కొండ్రిగాన్‌ బోడుతండాలో కాంగ్రెస్‌ ఆధ్వర్యంలో ఘనంగా సన్మానించింది. ఈ సందర్భంగా జిల్లా కార్యవర్గ సభ్యులు డీసీసీ అధికార ప్రతినిధి గూడూరు శ్రీనివాస్‌రెడ్డి, డీసీసీ ప్రధాన కార్యదర్శి బీక్యా నాయక్‌, బ్లాక్‌ కాంగ్రెస్‌ అధ్యక్షులు యాట నర్సింహ ముదిరాజ్‌, మండల అధ్యక్షులు సబావట్‌ బిచ్యానాయక్‌, కోఆప్షన్‌ సభ్యులు జహంగీర్‌ బాబా తది తరులను, కాంగ్రెస్‌ నాయకులు పూలమాలలు, శాలువలతో ఘనంగా సన్మానించారు. ఈసందర్భంగా వారు మాట్లా డుతూ రాబోయే ఎన్నికల్లో కాంగ్రెస్‌ పార్టీ గెలుపునకు ప్రతి ఒక్కరూ కృషి చేయాలని పిలుపునిచ్చారు. ఈ కార్యక్రమంలో సర్పంచ్‌ సేవ్యా బావోజి, ఉపసర్పంచ్‌ శ్రీను నాయక్‌, మాజీ వార్డు సభ్యులు నేజ్యనాయక్‌, దశరథ్‌, రంగా, తార్యా, స్థానిక నాయకులు, యూత్‌ కాంగ్రెస్‌ సభ్యులు ఇమ్రాన్‌ బాబా తదితరులు పాల్గొన్నారు.
