- జడ్పీటీసీ సభ్యులు జర్పుల దశరథ్‌ నాయక్‌, డీసీసీబీ డైరెక్టర్‌ గంప వెంకటేష్‌ గుప్తా
- కడ్తాల్‌ కస్తూర్బాలో పది విద్యార్థులకు వీడ్కోలు సమావేశం
నవతెలంగాణ-ఆమనగల్‌
ప్రణాళికతో చదివి ఉన్నత లక్ష్యాన్ని సాధించాలని జిల్లా పరిషత్‌ గ్రామీణాభివృద్ధి శాఖ స్టాండింగ్‌ కమిటీ సభ్యులు, కడ్తాల్‌ మండల జడ్పీటీసీ సభ్యులు జర్పుల దశరథ్‌ నాయక్‌, డీసీసీబీ డైరెక్టర్‌, ఆమనగల్‌ కడ్తాల్‌ మండలాల పీఏసీఎస్‌ చైర్మెన్‌ గంప వెంకటేష్‌ విద్యార్థులకు సూచిం చారు. కడ్తాల్‌ మండల కేంద్రంలోని కస్తూర్బా గాంధీ పాఠ శాలలో శుక్రవారం పదవతరగతి విద్యార్థులకు వీడ్కోలు సమావేశం నిర్వహించారు. ఈ కార్యక్రమానికి ముఖ్య అతిథులుగా జడ్పీటీసీ దశరథ్‌ నాయక్‌, సింగిల్‌ విండో చైర్మెన్‌ గంప వెంకటేష్‌ గుప్తా హాజరై, మాట్లాడుతూ కష్టంగా కాకుండా ఇష్టంగా చదివి, పరీక్షలకు సన్నద్ధం కావాలని సూచించారు. కార్యక్రమంలో భాగంగా భోజన శాలను పరిశీ లించారు. అనంతరం విద్యార్థులతో కలిసి ఆత్మీయ భోజనం చేశారు. ఈ కార్యక్రమంలో పాఠశాల ఉపాధ్యాయ బృందం, విద్యార్థులు పాల్గొన్నారు.
