- తైబజార్‌ రూ.78 వేల 500
- వాటర్‌ ఫిల్టర్‌ రూ.లక్షా 17 వేలు కైవసం
- సర్పంచ్‌ ద్యావరి విజయమ్మ
నవతెలంగాణ-వికారాబాద్‌ డెస్క్‌
పెద్దేముల్‌ మండల కేంద్రంలో పంచాయతీ ఆవరణలో సర్పంచ్‌ విజయమ్మ ఆధ్వర్యంలో శుక్రవారం తైబజార్‌, వాటర్‌ ఫిల్టర్‌ వేలం ప్రకటన నిర్వహించారు. వేలం ప్రకటనలో 15 మంది పాల్గొని, ఒక్కొక్కరూ రూ.10వేలు చొప్పున డిపాజిట్‌ చేశారు. తైబజార్‌ వేలం ప్రకటనలో ఐదుగురు పాల్గొన్నారు. పడగళ్ల రాములు రూ.71 వేల 500లకు తైబజార్‌ కైవసం చేసుకున్నారు. వాటర్‌ ఫిల్టర్‌ వేలం ప్రకటనలో 10 మంది పాల్గొన్నారు. బోయిని వెంకటయ్య రూ.లక్షా 17వేల100 వాటర్‌ ఫిల్టర్‌ కైవసం చేసుకున్నారు. ఈ సందర్భంగా సర్పంచ్‌ విజయమ్మ మాట్లాడుతూ వేలంలో కైవసం చేసుకున్న సభ్యులు రెండు దఫాలుగా డబ్బులు చెల్లించాలని సూచించారు. తై బజార్‌ టోకెన్‌ 15 రూపాయలు, వాటర్‌ ఫిల్టర్‌ ప్లాంట్‌ వద్ద బాటిల్‌ రూ.7లు, ఇంటి వద్ద వేసే బాటిల్‌కు రూ.15 ల చొప్పున తీసుకోవాలని సూచించారు. ఈ కార్యక్రమంలో గ్రామ ఉపసర్పంచ్‌ శ్రీనివాస్‌ రెడ్డి, గ్రామపంచాయతీ సభ్యులు డివై. అరవింద్‌, ఫయాజ్‌, మల్లేశం, బాలమణి, సత్తార్‌ ఖాన్‌, గ్రామపంచాయతీ సెక్రటరీ భాస్కర్‌ గౌడ్‌, కరోబార్‌ నర్సిరెడ్డి, గ్రామస్తులు యాదయ్య, శ్రీనివాస్‌, అశోక్‌, రాజు, వెంకట్‌, ప్రభు, బిచ్చయ్య, బాలరాజ్‌, వెంకట్‌, రంగయ్య, సాయిలు, ఆనంద్‌, బిచ్చప్ప తదితరులు పాల్గొన్నారు.
