నవతెలంగాణ-ఆమనగల్‌
ఆమనగల్‌ పట్టణంలో మంగళవారం కల్వకుర్తి శాసన సభ్యులు గుర్క జైపాల్‌ యాదవ్‌ను గిరిజన నాయకులు పలువురు ఘనంగా సన్మానించారు. ఆమనగల్‌ పట్టణంలో బంజారా భవన్‌ నిర్మాణానికి రాష్ట్ర ప్రభుత్వం రూ. రెండు కోట్లు మంజూరు చేసిన సందర్భంగా పలువురు గిరిజన నాయకులు స్థానిక సేవాలాల్‌ ఆలయం ఆవరణలో ప్రత్యేక పూజలు నిర్వహించారు.ఈ కార్యక్రమానికి ముఖ్య అతిథిగా హాజరైన ఎమ్మెల్యే జైపాల్‌ యాదవ్‌ను పూలమాలలు శాలువాలతో ఘనంగా సన్మానించారు. అంతకు ముందు ఆమనగల్‌ బస్టాండ్‌ సమీపంలో శ్రీశైలం హైదరాబాద్ జాతీయ రహదారిపై ఏర్పాటు చేసిన ముఖ్యమంత్రి కేసీఆర్‌ చిత్రపటానికి క్షీరాభిషేకం చేశారు. ఈ కార్యక్రమంలో జడ్పీటీసీలు నేనావత్‌ అనురాధ పత్య నాయక్‌, జర్పుల దశరథ్‌ నాయక్‌, ఎంపీపీ నేనావత్‌ అనిత విజరు, ఆమనగల్‌ మార్కెట్‌ కమిటీ చైర్మెన్‌ నాలాపురం శ్రీనివాస్‌రెడ్డి, ఎంపీటీసీలు సరిత పంతు నాయక్‌, లచ్ఛిరామ్‌ నాయక్‌, సర్పంచ్లు సోనా శ్రీను నాయక్‌, అంబర్‌ సింగ్‌, ఈశ్వర్‌ నాయక్‌, బీఆర్‌ఎస్‌ మండలాధ్యక్షులు పొనుగోటి అర్జున్‌రావు, ఏఎంసీ డైరెక్టర్‌ రమేష్‌ నాయక్‌, ఉపసర్పంచ్‌ ప్రశాంత్‌ నాయక్‌, నాయకులు అప్పం శ్రీను, నిరంజన్‌గౌడ్‌, ఎనుమల రమేష్‌, మల్లేష్‌ నాయక్‌, దశరథ్‌ నాయక్‌, రవీందర్‌ నాయక్‌, కృష్ణనాయక్‌, సురేష్‌ నాయక్‌, కృష్ణవేణి తదితరులు పాల్గొన్నారు.
