నవతెలంగాణ-శంకర్‌పల్లి
           శంకర్‌పల్లి మున్సిపల్‌ తైబజార్‌ వేలం జొన్నాడ జగన్‌ గౌడ్‌ రూ.10 లక్షల 51 వేలకు దక్కించుకున్నాడు. మంగళవారం శంకర్‌పల్లి మున్సిపల్‌ కార్యాలయంలో తై బజార్‌ వేలం వేయగా ఈ వేలంలో శ్రీరాములు జొన్నాడ జగన్‌ గౌడ్‌ పాల్గొన్నారు. చివరకు జగన్‌ గౌడ్‌ అత్యధికంగా పాట పాడి రూ.10 లక్షల 51 వేలకు దక్కించుకున్నాడు. ఆయన ఐదుసార్లు తైబజార్‌ దక్కించుకోవడం గమనార్హం. అదేవిధంగా ట్రాన్స్‌పోర్ట్‌ తై బజార్‌ కూడా అతడే దక్కించుకున్నాడు. ఈ సందర్భంగా కమిషనర్‌ ఆర్‌. జ్ఞాన ేశ్వర్‌ మాట్లాడుతూ మున్సిపల్‌ చైర్‌ పర్సన్‌ విజయలక్ష్మి ప్రవీణ్‌ కుమార్‌ కౌన్సిలర్ల సూచన మేరకు ఈ తై బజార్‌ వేలం వేయడం జరిగిందన్నారు. గతేడాది రూ. 10 లక్షలు పాడగా, ఈ ఏడాది రూ.10 లక్షల 51 వేలకు ఇవ్వడం జరిగిందన్నారు. కార్యక్రమంలో మున్సిపల్‌ కమిషనర్‌ జ్ఞానే శ్వర్‌, మున్సిపల్‌ వైస్‌ చెర్మెన్‌ బి.వెంకటరాంరెడ్డి, కౌన్సిలర్లు చంద్రమౌలి, కో-ఆప్షన్‌ సభ్యులు వెంకటరెడ్డి, నాయకులు బాలకృష్ణ, గోవర్ధన్‌రెడ్డి, మున్సిపల్‌ సిబ్బంది పాల్గొన్నారు.