- ఆయా పార్టీల నాయకులు, సంఘాలు, యువకులు బాబాసాహెబ్‌కు ఘన నివాళి
నవతెలంగాణ-షాబాద్‌
భారత రాజ్యాంగ నిర్మాత, భారతరత్న డాక్టర్‌ బాబాసాహెబ్‌ అంబేద్కర్‌ 132వ జయంతి వేడుకలను శుక్రవారం షాబాద్‌లో ఘనంగా నిర్వహించారు. ఈ కార్యక్రమంలో అన్ని రాజకీయ పార్టీల నాయకులు, కుల సంఘాలు, యువజన సంఘాలు, అధికారులు, ప్రజా ప్రతినిధులు, ఆయా గ్రామాల్లో, మండల కేంద్రంలో వేర్వేరుగా బాబా సాహెబ్‌ అంబేద్కర్‌ విగ్రహానికి పూలమాలలు వేసి నివాళులర్పించారు. ఈ సందర్భంగా వారు మాట్లాడుతూ.. డాక్టర్‌ బీఆర్‌ అంబేద్కర్‌ చూపించిన మార్గంలో నడుస్తూ దేశాన్ని అభివృద్ధికి కృషి చేద్దామన్నారు. ఈ కార్యక్రమంలో షాబాద్‌ జడ్పీటీసీ పట్నం అవినాష్‌రెడ్డి, ఎంపీపీ ప్రశాంతి, మహేందర్‌ రెడ్డి, వైస్‌ ఎంపీపీ జడల లక్ష్మిరాజేందర్‌గౌడ్‌, పార్టీ నాయకులు తొంట వెంకటయ్య, వెంకట్‌ యాదవ్‌, కార్యకర్తలు పాల్గొన్నారు.
కాంగ్రెస్‌ పార్టీ ఆధ్వర్యంలో...
షాబాద్‌ మండల కేంద్రంలోని అంబేద్కర్‌ విగ్రహానికి కాంగ్రెస్‌ మండల అధ్యక్షుడు కావలి చంద్రశేఖర్‌, ఎంపీటీసీలు కుమ్మరి చెన్నయ్య, గుండాల అశోక్‌, చేవెళ్ల నియోజకవర్గ సమన్వయ కమిటీ సభ్యులు తమ్మలి రవీందర్‌, కాంగ్రెస్‌ సీనియర్‌ నాయకులు దేశమల్ల ఆంజనేయులు, కుద్దూస్‌, హైతాబాద్‌ మాజీ సర్పంచ్‌ రాకల శేఖర్‌, మాజీ ఎంపీటీసీ సభ్యులు మల్లేష్‌, చంద్రారెడ్డి, అత్తిలి శ్రీనివాస్‌ రెడ్డి, నరెడ్లగూడెం జంగయ్య, గౌరీశ్వర్‌ ,బేగరి శేఖర్‌, చాగంటి శ్రీనివాస్‌,చర్ల కుమార్‌, చర్ల సత్తయ్య, మహమ్మద్‌ గౌస్‌ పాషా, తదితరులు పాల్గొని ఆయనకు ఘనంగా నివాళులర్పించారు.
ఏబీవీపీ ఆధ్వర్యంలో...
షాబాద్‌ మండల కేంద్రంలోని అంబేద్కర్‌ విగ్రహానికి ఏబీవీపీ నాయకులు పూలమాలలు వేసి నివాళులర్పించారు.ఈ కార్యక్రమంలో బీజేపీ మండలాధ్యక్షులు కిరణ్‌, ఏబీవీపీ షాబాద్‌ నగర కార్యదర్శి ప్రవీణ్‌, శ్రీకాంత్‌ పాల్గొని నివాళులర్పించారు.
బీసీ సేన ఆధ్వర్యంలో...
బాబాసాహెబ్‌ అంబేద్కర్‌ ఆశయాలను కొనసాగిద్దామని బీసీ సేన జాతీయ అధ్యక్షులు బర్క కృష్ణ యాదవ్‌ అన్నారు. అంబేద్కర్‌ జయంతిని పురస్కరించుకుని షాబాద్‌లోని ఆయన విగ్రహానికి పూలమాలలు వేసి, నివాళులర్పించారు.ఈ కార్యక్రమంలో నాయకులు రాపోలు నర్సింలు, శ్రీశైలం, కృష్ణ, తదితరులున్నారు.
