నవతెలంగాణ బ్యూరో - హైదరాబాద్
బీఆర్‌ఎస్‌ ఎమ్మెల్సీ కల్వకుంట్ల కవిత ఈనెల 10న చెన్నైలో పర్యటించనున్నారు. ఓ ప్రఖ్యాత సంస్థ నిర్వహిస్తున్న కార్యక్రమంలో ''2024 ఎన్నికలు - ఎవరు విజయం సాధిస్తారు?'' అనే అంశంపై జరిగే చర్చావేదికలో ఆమె పాల్గొంటారు. ఆ కార్యక్రమంలో ఎమ్మెల్సీ కవితతో పాటు డీఎంకే ఎంపీ తిరుచి శివ, తమిళనాడు బీజేపీ అధ్యక్షుడు అన్నామలై, బీజేపీ మహిళా మోర్చా జాతీయ అధ్యక్షులు, ఎమ్మెల్యే వాసంతి శ్రీనివాసన్‌, కాంగ్రెస్‌ జాతీయ అధికార ప్రతినిధి గౌరవ్‌ వల్లభ్‌ మాట్లాడుతారు. బీఆర్‌ఎస్‌ జాతీయ ఎజెండా, దేశ అభివద్ధిపై సీఎం కేసీఆర్‌ ఆలోచనలను ఈ వేదిక ద్వారా కల్వకుంట్ల కవిత చాటి చెప్పనున్నారు.
మీ స్నేహితులకు రికమెండ్ చెయ్యండి
