- రేపు నామినేషన్‌, 12న ఎన్నిక
- నోటిఫికేషన్‌ విడుదల
నవతెలంగాణ బ్యూరో - హైదరాబాద్
శాసనమండలి డిపూట్యీ చైర్మెన్‌గా బండ ప్రకాశ్‌ను బీఆర్‌ఎస్‌ అధినేత, ముఖ్యమంత్రి కె చంద్రశేఖర్‌రావు ఎంపిక చేశారు. ఇతర పార్టీల నుంచి పోటీ ఉండే అవకాశం లేదు. ఒకే నామినేషన్‌ దాఖలు కానుంది. దీంతో ఆయన ఎన్నిక ఏకగ్రీవం కావడం ఇక లాంఛనమే కానుంది. ఉభయసభల కార్యదర్శి నరసింహాచార్యులు గురువారం శాసనమండలి డిప్యూటీ చైర్మెన్‌ ఎన్నికకు సంబంధించి నోటిఫికేషన్‌ను విడుదల చేశారు. శనివారం నామినేషన్లను స్వీకరిస్తామనీ, 12న ఎన్నిక ఉంటుందని ప్రకటించారు. బండ ప్రకాశ్‌ 2021, నవంబర్‌లో ఎమ్మెల్సీగా ప్రమాణస్వీకారం చేసిన విషయం తెలిసిందే. ఆయన గతంలో రాజ్యసభ సభ్యునిగా పనిచేశారు. శాసనమండలి చైర్మెన్‌గా గుత్తా సుఖేందర్‌రెడ్డి కొనసాగుతున్న విషయం విదితమే.
మీ స్నేహితులకు రికమెండ్ చెయ్యండి
