- కేసీఆర్‌ పుట్టినరోజు సందర్భంగా నిర్వహణ
- పోస్టర్‌ను ఆవిష్కరించిన ఎమ్మెల్సీ కవిత
నవతెలంగాణ బ్యూరో- హైదరాబాద్‌
           ముఖ్యమంత్రి కె చంద్రశేఖర్‌రావు పుట్టినరోజును పురస్కరించుకుని భారత జాగృతి ఆధ్వర్యంలో ఈనెల 15,16 తేదీల్లో హైదరాబాద్‌లోని ఎల్బీ స్టేడియంలో కేసీఆర్‌ కప్‌-2023 రాష్ట్రస్థాయి వాలీబాల్‌ పోటీలను నిర్వహిస్తున్నారు. ఇందుకు సంబంధించిన పోస్టర్‌ను ఎమ్మెల్సీ కల్వకుంట్ల కవిత సోమవారం ఆవిష్కరించారు. మొదటి బహుమతి రూ.లక్ష, ద్వితీయ బహుమతి రూ.75 వేలు, తృతీయ బహుమతి రూ.50 వేలతోపాటు క్రీడాకారులకు ప్రోత్సాహక బహుమతులను కూడా ఇవ్వనున్నట్టు ఆమె ప్రకటించారు. కేసీఆర్‌ పుట్టినరోజును పురస్కరించుకుని దళిత, క్రైస్తవ సంఘాల ఆధ్వర్యంలో ఈనెల 15న నిర్వహించనున్న దళిత క్రైస్తవ ఆత్మీయ సమ్మేళనం పోస్టర్‌ను కూడా ఆమె విడుదల చేశారు. ఈ కార్యక్రమంలో ఎంపీ వద్దిరాజు రవిచంద్ర, భారత జాగృతి ప్రధాన కార్యదర్శి నవీన్‌ ఆచారి, ఉపాధ్యక్షుడు మేడే రాజీవ్‌ సాగర్‌ తదితరులు పాల్గొన్నారు.