- ఉపాధ్యాయ ఎమ్మెల్సీ నర్సిరెడ్డి
- హైదరాబాద్-రంగారెడ్డి-మహబూబ్‌నగర్‌ జిల్లాల ఉపాధ్యాయ ఎమ్మెల్సీ అభ్యర్థి పి.మాణిక్‌రెడ్డి తరపున టీఎస్‌ యూటీఎఫ్‌ ప్రచారం
నవతెలంగాణ-రాజేంద్రనగర్‌
రాష్ట్రంలో ఉపాధ్యాయులు ఎదుర్కొంటున్న సమస్యల పరిష్కారానికై రాజీలేని పోరాటం చేస్తానని ఉపాధ్యాయ ఎమ్మెల్సీ అలుగుబెల్లి నర్సిరెడ్డి అన్నారు. మంగళవారం ఎమ్మెల్సీ ఎన్నికల ప్రచారంలో భాగంగా టీఎస్‌యూటీఎఫ్‌ బలపరిచిన హైదరాబాద్-రంగారెడ్డి-మహబూబ్‌నగర్‌ జిల్లాల ఎమ్మెల్సీ అభ్యర్థి పి.మాణిక్‌ రెడ్డి తరపున రంగారెడ్డి జిల్లా రాజేంద్రనగర్‌ అగ్రికల్చర్‌ విశ్వవిద్యాలయం, వెటర్నరీ విశ్వవిద్యాలయం, రాజేంద్రనగర్‌ జూనియర్‌ కాలేజీల్లో ప్రచారం నిర్వహించారు. ఈ సందర్భంగా ఆయన మాట్లాడుతూ.. విశ్వ విద్యాలయాలు, కళాశాలలు, పాఠశాలలు బాగుపడాలంటే ఈ ఎన్నికల సమయంలో ఓటును ఆయుధంగా వాడాలన్నారు. గత ఎన్నికల సమయంలో ఇచ్చిన హామీలన్నీ ప్రభుత్వం పూర్తిగా విస్మరించిందని తెలిపారు. పోరాడుతేనే సమస్యలు పరిష్కారం అవుతాయని, విద్యారంగ సమస్యల పరిష్కారానికి టీఎస్‌ యూటీఎఫ్‌ నిరంతరం పోరాడుతుందని తెలిపారు. ఈ ఎన్నికల్లో మొదటి ప్రాధాన్యత ఓటు టీఎస్‌యూటీఎఫ్‌ అభ్యర్థి మాణిక్‌రెడ్డికి వేసి గెలిపించాలని కోరారు. కార్యక్రమంలో జిల్లా ప్రధాన కార్యదర్శి వెంకటప్ప, రాజేంద్రనగర్‌ మండల అధ్యక్షులు యాదగిరి, ప్రధాన కార్యదర్శి రవీందర్‌, జిల్లా కౌన్సిలర్లు సీతయ్య, మల్లయ్య, కార్యదర్శి మహేష్‌ పాల్గొన్నారు.
