- వైరస్‌తో ఆవు దూడ మృతి
నవతెలంగాణ-కామారెడ్డిటౌన్‌
కామారెడ్డి జిల్లాలో లంపి స్కిన్‌ వైరస్‌ కలకలం రేపుతోంది. కామారెడ్డి మార్కెట్‌లో ఆవుకు లంపి స్కిన్‌ వైరస్‌ సోకడంతో రెండ్రోజుల కిందట మృత్యువాతపడింది. తాజాగా గురువారం మరో లేగ దూడ చనిపోయింది. లంపి స్కిన్‌ వైరస్‌ సోకిన వందలాది ఆవులు రోడ్లపైనే తిరుగుతుండటంతో స్థానికులు భయాందోళనకు లోనవుతున్నారు. లింపి స్కిన్‌ వైరస్‌ ఈగల కారణంగా పశువులకు వ్యాప్తి చెందుతున్నట్టు అధికారులు తెలిపారు. ఈ వైరస్‌ కారణంగా పశువుల చర్మంపై ఎర్రటి బొడిపెలు పుండ్లుగా మారి దేహమంతా వ్యాపిస్తాయని ఐవీఆర్‌ఐ జాయింట్‌ డైరెక్టర్‌ డాక్టర్‌ కేపీ సింగ్‌ తెలిపారు. దీంతో తీవ్ర జ్వరం వచ్చి.. పశువులు పాలు ఇవ్వడం, గడ్డి తినడం మానేస్తాయని తెలిపారు. లంపిస్కిన్‌ పశువుల నుంచి మానవులకు సంక్రమించినట్టు ఎటువంటి ఆధారాలూ లేవన్నారు.
మీ స్నేహితులకు రికమెండ్ చెయ్యండి
