- సమాచార విశ్లేషణ కేంద్రం ప్రారంభం
నవతెలంగాణ బ్యూరో - హైదరాబాద్
సెంటర్‌ ఆఫ్‌ ఎక్స్‌లెన్స్‌ సమాచార విశ్లేషణ కేంద్రాన్ని దక్షిణ మధ్య రైల్వే జనరల్‌ మేనేజర్‌ అరుణ్‌కుమార్‌ జైన్‌ గురువారం హైదరాబాద్‌లోని రైల్‌ నిలయంలో ప్రారంభించారు. ఈ కార్యక్రమంలో సెంటర్‌ ఫర్‌ రైల్వే ఇన్ఫర్మేషన్‌ సిస్టమ్స్‌ (సీఆర్‌ఐఎస్‌) మేనేజింగ్‌ డైరెక్టర్‌ డికె సింగ్‌, ఇతర అధికారులు పాల్గొన్నారు. ఈ సందర్భంగా జైన్‌ మాట్లాడుతూ సమాచార విశ్లేషణ అనేది సీఆర్‌ఐఎస్‌ రూపొందించిన ముఖ్యమైన ప్రక్రియ అని చెప్పారు. ఇది భారతీయ రైల్వేకు సంబంధించి కార్యకలాపాలు, సేవలను మరింత పెంపొందించడంలో సహాయపడుతుందని వివరించారు. ప్రయాణికుల అనుభవాలను బట్టి సేవలను మరింత మెరుగైన రీతిలో రైల్వేల సామర్థ్యాన్ని పెంచేందుకు ఇది దోహదపడుతుందన్నారు. సీఆర్‌ఐఎస్‌ మేనేజింగ్‌ డైరెక్టర్‌ డికె సింగ్‌ మాట్లాడుతూ ప్రయాణికుల భద్రత, రక్షణకు ఇది దోహదపడుతుందని వివరించారు.
