- ఎమ్మెల్యే కాలేరు వెంకటేశ్‌కు తప్పిన పెను ప్రమాదం
నవతెలంగాణ-అంబర్‌ పేట
సీఎం కేసీఆర్‌ జన్మదిన వేడుకల్లో అపశృతి చోటుచేసుకుంది. బాణాసంచా నిప్పు రవ్వలు గ్యాస్‌ బెలూన్లపై పడటంతో ఇద్దరు బీఆర్‌ఎస్‌ కార్యకర్తలకు గాయాలయ్యాయి. వివరాల్లోకెళ్తే.. హైదరాబాద్ కాచిగూడలో జరిగిన సీఎం కేసీఆర్‌ జన్మదిన వేడుకల్లో అంబర్‌పేట ఎమ్మెల్యే కాలేరు వెంకటేశ్‌ పాల్గొన్నారు. టపాసులు పేలుస్తుండగా నిప్పురవ్వలు ఎగిరి గ్యాస్‌ బెలూన్లపై పడటంతో అవి పేలాయి. దాంతో భయంతో అందరూ పరిగెత్తు తుండగా ఎమ్మెల్యే, కొందరు కార్యకర్తలు కిందపడ్డారు. కార్యకర్తలు వారిని పైకి లేపారు. ఈ ఘటనలో ఇద్దరు కార్యకర్తలకు స్వల్ప గాయాలయ్యాయి.
మీ స్నేహితులకు రికమెండ్ చెయ్యండి
