నవతెలంగాణ బ్యూరో - హైదరాబాద్
ఓపెన్‌ పదో తరగతి, ఇంటర్మీడియెట్‌ పరీక్షలకు హాజరయ్యే విద్యార్థులకు తత్కాల్‌ ద్వారా ఫీజు చెల్లింపు గడువు వచ్చేనెల నాలుగో తేదీ వరకు ఉన్నది. ఈ మేరకు తెలంగాణ ఓపెన్‌ స్కూల్‌ సొసైటీ (టాస్‌) డైరెక్టర్‌ పివి శ్రీహరి బుధవారం ఒక ప్రకటన విడుదల చేశారు. గురువారం నుంచి విద్యార్థులు ఈ అవకాశాన్ని వినియోగించుకోవాలని సూచించారు. ఏప్రిల్‌ లేదా మేలో ఓపెన్‌ పదో తరగతి, ఇంటర్ పరీక్షలను నిర్వహిస్తామని తెలిపారు. పదో తరగతి విద్యార్థులు రూ.500, ఇంటర్మీడియెట్‌ విద్యార్థులు రూ.వెయ్యి తత్కాల్‌ ఫీజుతోపాటు వార్షిక ఫీజును కూడా చెల్లించాలని కోరారు.
మీ స్నేహితులకు రికమెండ్ చెయ్యండి
