నవతెలంగాణ బ్యూరో - హైదరాబాద్‌
           రాష్ట్రంలో ఇంజినీరింగ్‌, అగ్రికల్చర్‌, పార్మసీ, బీఎస్సీ నర్సింగ్‌ కోర్సుల్లో ప్రవేశాల కోసం నిర్వహించే ఎంసెట్‌కు ఆన్‌లైన్‌లో దరఖాస్తుల స్వీకరణ ప్రక్రియ శుక్రవారం ప్రారంభం కానుంది. ఆలస్య రుసుం లేకుండా వాటి సమర్పణకు తుది గడువు ఏప్రిల్‌ పదో తేదీ వరకు ఉన్నది. అదేనెల 12 నుంచి 14వ తేదీ వరకు సమర్పించిన దరఖాస్తుల సవరణకు అవకాశమున్నది. ఆలస్య రుసుం రూ.250తో ఏప్రిల్‌ 15 వరకు, రూ.500తో అదేనెల 20 వరకు, రూ.2,500తో 25 వరకు, రూ.ఐదు వేలతో మే 2వ తేదీ వరకు దరఖాస్తులను సమర్పించేందుకు గడువున్నది. ఏప్రిల్‌ 30 నుంచి హాల్‌టికెట్లను డౌన్‌లోడ్‌ చేసుకోవచ్చని సూచించారు. ఎంసెట్‌ ఇంజినీరింగ్‌ విభాగం రాతపరీక్షలు మే ఏడు నుంచి తొమ్మిది వరకు, అగ్రికల్చర్‌, ఫార్మసీ విభాగం రాతపరీక్షలు అదేనెల 10,11 తేదీల్లో నిర్వహిస్తారు. ఇతర వివరాలకుhttps:eamcet.tsche.ac.in వెబ్‌సైట్‌ను సంప్రదించాలి.