నవతెలంగాణ- హైదరాబాద్‌బ్యూరో
           సత్యాన్వేషణతోనే మానవ జీవితానికి అర్థవంతమైన దారి దొరుకుతుందని ముఖ్యమంత్రి కె.చంద్రశేఖర్‌రావు అన్నారు. జైన తీర్థంకరుడు వర్ధమాన మహావీరుని జయంతి సందర్భంగా సీఎం కేసీఆర్‌ ప్రజలకు శుభాకాంక్షలు తెలిపారు. అరిషడ్వర్గాలను జయించడం ద్వారానే వర్ధమానుడు మహావీరుడిగా కీర్తిని ఆర్జించాడని సీఎం అన్నారు. తెలంగాణ స్వరాష్ట్ర సాధన కోసం సాగిన శాంతియుత పోరాట పంథాలో వర్థమానుని బోధనలు, వారు అనుసరించిన అహింసా మార్గం ఇమిడివున్నాయన్నారు. ఎన్ని ఆటంకాలెదురైనా వర్థమానుని స్ఫూర్తితో ఓర్పు సహనంతో తెలంగాణ రాష్ట్రం తన భవిష్యత్తు విజయ ప్రస్థానాన్ని కొనసాగిస్తున్నదని సీఎం కేసీఆర్‌ స్పష్టం చేశారు.