- ప్రేక్షకులను అలరించాయి : లావణ్య
నవతెలంగాణబ్యూరో-హైదరాబాద్
లండన్‌ వేదిక మీద సినీ గీతాలు సందడి చేశాయి. అక్కడి ప్రేక్షకులను విశేషంగా అలరించాయి. మంగళవారం డివికే గేట్వేస్‌ సంస్థ ఆధ్వర్యంలో లండన్‌ నగరంలోని ఈస్ట్‌ హ్యాం రాయల్‌ రీజేన్స్‌హాల్‌లో నిర్వాహకులు లావణ్య కావూరి నేతృత్వంలో సంగీత విభావరి జరిగింది. ఈ సందర్భంగా లావణ్య మాట్లాడుతూ ప్రముఖ గాయనీ, గాయకులు మనో, కార్తీక్‌, కల్పన, గోపిక పూర్ణిమ, అనురాధ శ్రీరాం మధురమైన గీతాలను ఆలపించారని పేర్కొన్నారు. వినోద్‌ దొప్పలపూడి, సురేంద్ర ఆహ్వానంమేరకు తాము సంగీత విభావరిలో పాల్గొన్నట్టు తెలిపారు. ఈ కార్యక్రమానికి పన్నెండు వందలమందికిపైగా ప్రవాస తెలుగు ప్రేక్షకులు హాజరైనట్టు తెలిపారు. పాటలకు మహిళలు, చిన్నారులు డ్యాన్స్‌ చేస్తూ కేరింతలు కొట్టారు. చిన్మయీ తడకమల్ల తన మాటలతో ప్రేక్షకులందరినీ ఆలరించినట్టు తెలిపారు. అనంతరం గాయనీ, గాయకులను, నిర్వాహకులను ఘనంగా సన్మానించారు. ఈ కార్యక్రమంలో శ్రీనివాస్‌రెడ్డి పింగళి, సురేందర్‌రెడ్డి, శ్రవణ్‌ కుమార్‌ గౌడ్‌ బైరు, వంశీ , హరీష్‌, భరత్‌ లను డివికే గేట్వేస్‌ సంస్థ యాజమానురాలు లావణ్య కావురి , వినోద్‌ సన్మానించారు.
